پرەزيدەنت توقاەۆ بىردەن ءۇش بىردەي ماڭىزدى كادرلىق وزگەرىس جاسادى. قورعانىس جانە كولىك ءمينيسترىن اۋىستىرىپ، جاڭا ءۋازىرىن تاعايىندادى.

مۇنداي اسا ماڭىزدى تاعايىنداۋدىڭ دەمالىس كۇنىندە جاريالانۋى كەزدەيسوق ەمەس دەپ پايىمدايدى جاڭا قازاقستان.

بۇل شەشىمنىڭ ستراتەگيالىق سيپاتىن ءارى ولاردىڭ شۇعىل تۇردە قابىلدانعانىن اڭعارتسا كەرەك.

قورعانىس مينيسترلىگىنە اۆياتسيا گەنەرالى داۋرەن قوسانوۆتىڭ كەلۋى اسكەردەگى قازىرگى احۋالدىڭ كوڭىل كونشىتپەيتىنىن كورسەتەدى. پرەزيدەنت وسى ارقىلى ارمياداعى ىشكى تاۋەكەلدەردى ازايتىپ، اسكەري توپتاردىڭ ىقپالىن السىرەتىپ، قورعانىس سالاسىن قايتا جۇكتەۋدى كوزدەۋى مۇمكىن.

بۇرىنعى مينيستر تۇسىندا ورىن العان اسكەردەگى تارتىپسىزدىك مەن الىمجەتتىك ماسەلەسىن ەسكەرسەك، شەشىمنىڭ ابدەن ءپىسىپ-جەتىلگەنى بايقالادى.

كولىك ءمينيسترىنىڭ قىزمەتتەن الىنۋى لوگيستيكاداعى جۇيەلى اقاۋلار، تەمىرجول سالاسىنداعى شەشىلمەگەن ءتۇيىن مەن تسيفرلاندىرۋدىڭ ءتيىمدى جۇرمەگەنىنىڭ دالەلى. سونىمەن قاتار، بۇل شەشىم كولىك-لوگيستيكا سالاسىندا جاڭا باستاماعا جول اشىپ، حالىقارالىق ارىپتەستەردىڭ كوڭىل-كۇيىن تۇراقتاندىرۋعا باعىتتالعان بولۋى ىقتيمال.

ال پرەزيدەنتتىڭ جاڭا كەڭەسشىسىن تاعايىنداۋ اپپاراتتى كۇشەيتۋ ارەكەتى. مۇنىڭ ارتىندا الداعى ۋاقىتتا جۇزەگە اسىرىلاتىن ءىرى باسقارۋ رەفورماسى مەن سىرتقى ساياساتتاعى جاڭا باستامالار جاتۋى مۇمكىن.

جالپى العاندا، كەشەگى اۋىس-ءتۇيىس كەزەكتى رۋتينالىق شارا ەمەس. مۇنى پرەزيدەنت توقاەۆتىڭ بيلىك ۆەرتيكالىن نىعايتۋعا، ءتيىمدى ءارى ادال كادرلاردى العا شىعارۋعا باعىتتالعان ارەكەتى دەپ باعالاۋ كەرەك.

مەملەكەت باسشىسى جۇيەنى جاڭا كەزەڭگە دايىنداپ، ەليتاعا ناقتى بەلگى بەرىپ وتىر: تيىمدىلىك پەن لويالدىلىق الدىڭعى قاتارعا شىعادى.

Abai.kz