اۋقىمدى شاراعا قازاقستان رەسپۋبليكاسى پارلامەنتى جانە سەنات دەپۋتاتتارى، شەتەلدىك جانە وتاندىق ينۆەستورلار، اباي وبلىسىنان شىققان ءىرى كاسىپكەرلەر، قوعام قايراتكەرلەرى قاتىستى. ماڭىزدى جيىنعا 500-گە جۋىق كاسىپكەر جينالدى.

فورۋمنىڭ اشىلۋ سالتاناتىندا اباي وبلىسىنىڭ اكىمى بەرىك ءۋالي ءوڭىردىڭ ينۆەستيتسيالىق الەۋەتى تۋرالى باياندادى.

“بۇگىن اباي ەلىنىڭ دامۋىنا ارنالعان ماڭىزدى قادام - «تۋعان جەرگە تۋىڭدى تىك» ينۆەستيتسيالىق فورۋمىنا جينالىپ وتىرمىز. بۇل فورۋم – ءوزارا وي بولىسەتىن، پىكىر الماساتىن، ەڭ باستىسى، بولاشاققا بىرگە قادام باسۋعا مۇمكىندىك بەرەتىن الاڭ. مەملەكەت باسشىسى قاسىم-جومارت كەمەلۇلى توقاەۆ «اباي تۋعان توپىراققا كەلگەن ادام بۇل جەردىڭ كيەسىن سەزىنەدى، قاسيەتىن ۇعادى. سەمەي – ۇلى دالانىڭ ۇلاعاتتى ولكەسى. بۇل – الاش ارىستارىنىڭ ءىزى قالعان، زيالىلارىمىز ەلدىڭ بولاشاعى ءۇشىن كۇرەسكەن قاستەرلى ءوڭىر. سەمەي – ۇلتتىق عىلىم مەن ءبىلىمنىڭ، ونەر مەن مادەنيەتتىڭ تاريحي ورتالىعى» دەپ اتاپ وتكەن قاسيەتتى سەمەي تورىنە كەلىپ وتىرسىزدار. اباي وبلىسى – جاڭادان قۇرىلعانىمەن، الەۋەتى جوعارى ايماق. تابيعي رەسۋرستارىمىز، ەڭبەكقور حالقى، وندىرىستىك ينفراقۇرىلىمى مەن گەوگرافيالىق ورنالاسۋى – تۇراقتى دامۋعا نەگىز بولا الادى. الايدا، وسى مۇمكىندىكتەردى ىسكە اسىرۋ ءۇشىن جەرگىلىكتى كاسىپكەرلەر مەن ينۆەستورلاردىڭ بەلسەندىلىگى اۋاداي قاجەت»، - دەدى ايماق باسشىسى.

قولايلى گەوگرافيالىق ورنالاسۋىنىڭ ارقاسىندا اباي وبلىسى قىتاي، رەسەي جانە ورتالىق ازيانى بايلانىستىرادى. بۇل تۇرعىدان، ءىرى حالىقارالىق ساۋدا دالىزدەرىنە شىعاتىن كولىك-لوگيستيكالىق حابتى دامىتۋعا ۇلكەن مۇمكىندىك بار.

الداعى جىلدارى وڭىردە بىرقاتار ءىرى ينۆەستيتسيالىق جوبالار جۇزەگە اسىرىلماق. سولاردىڭ ءبىرى – اياگوز–باقتى تەمىرجولى مەن قۇرعاق پورتتىڭ قۇرىلىسى.

قازىرگى تاڭدا وبلىستا 8 مىڭنان استام تۇراقتى جۇمىس ورنىن قۇرۋعا باعىتتالعان، جالپى قۇنى 2,7 ترلن تەڭگە بولاتىن 38 پەرسپەكتيۆالى ينۆەستيتسيالىق جوبادان تۇراتىن بىرىڭعاي پۋل قالىپتاستى.

2024 جىلدىڭ قورىتىندىسى بويىنشا ناقتى سەكتورداعى نەگىزگى كاپيتالعا سالىنعان ينۆەستيتسيالار كولەمى 575,3 ملرد تەڭگە بولدى.

ال تىكەلەي شەتەلدىك ينۆەستيتسيالار كورسەتكىشى – 775,3 ملن اقش دوللارى.بىلتىر 14,4 ملرد تەڭگەگە 8 جوبا ىسكە اسىرىلىپ، 330 جۇمىس ورنى قۇرىلدى. 2025 جىلى 31,1 ملرد تەڭگەگە 10 ينۆەستيتسيالىق جوبانى ىسكە اسىرىپ، 767 جۇمىس ورنى اشىلماق. بۇگىندە 1 ملرد تەڭگەگە 1 جوبا ىسكە قوسىلدى.

بيىل 10 ميلليارد تەڭگەگە «سەماز» جشس ونەركاسىپتىك الاڭدارىن كەڭەيتىپ، جىلىنا 6 مىڭ ارنايى تەحنيكا شىعاراتىن جەلى جاڭارتىلادى. «كازپوليگراف» جشس جىلىنا قۋاتتىلىعى 40 ميلليون قاعاز بەن كارتون بۇيىمدارى ءوندىرىسىن ىسكە قوسادى.

وبلىس اكىمى وسى ۋاقىتقا دەيىن 50-دەن استام شەتەلدىك ينۆەستورمەن كەزدەسۋ وتكىزدى. سونىمەن قاتار، وتكەن ايدا اباي وبلىسى دەلەگاتسياسى شىڭجاڭ ۇيعىر اۆتونوميالىق اۋدانىنا جۇمىس ساپارىمەن بارىپ، «ۇلكەن التاي» سۋبوڭىرلىك ىنتىماقتاستىق جونىندەگى حالىقارالىق كونفەرەنتسياسىنا قاتىستى. ساپار اياسىندا ايماق باسشىسى 20 كەزدەسۋ وتكىزىپ، جالپى سوماسى – 1,5 ملرد اقش دوللارىنان اساتىن 15 ىنتىماقتاستىق تۋرالى مەموراندۋمعا قول قويىلدى.

«قازىرگى ۋاقىتتا وبلىستا ينۆەستيتسيا تارتۋ باعىتىندا جۇيەلى جۇمىستار جۇرگىزىلىپ كەلەدى. بۇگىنگە دەيىن 50-دەن استام شەتەلدىك ينۆەستورمەن كەزدەسۋ وتكىزدىم. وتكەن ايدا قىتايدىڭ شىڭجاڭ ۇيعىر اۆتونوميالىق اۋدانىنا بارىپ، 1,5 ملرد اقش دوللارىنان اساتىن 15 ىنتىماقتاستىق تۋرالى مەموراندۋمعا قول قويدىق.

بۇگىنگى فورۋمعا بىرنەشە وبلىستىڭ وكىلدەرى دە كەلدى. مەملەكەت باسشىسى قاسىم-جومارت كەمەلۇلىنىڭ قولداۋىمەن حاكىم ابايدىڭ 180 جىلدىق مەرەيتويىنا وراي باستالعان «ابايعا قۇرمەت» اكتسياسى اياسىندا ەلىمىزدىڭ ءاربىر ءوڭىرى وبلىسىمىزعا ءبىر-ءبىر نىساننان سالىپ بەرمەك.

قازىر ماڭعىستاۋ، تۇركىستان، اقتوبە، اتىراۋ، پاۆلودار، قوستاناي، جامبىل، اقمولا، سولتۇستىك قازاقستان، شىعىس قازاقستان، قىزىلوردا، الماتى وبلىستارى جانە شىمكەنت پەن استانا قالالارى ءتيىستى جۇمىستاردى باستاپ تا كەتتى. قالعان وڭىرلەر دە بۇل باستامانى قولدايتىندارىن بىلدىرۋدە. جيىندا وبلىس اكىمدەرىنە ءوڭىر تۇرعىندارى اتىنان العىسىمدى ايتتىم.

بۇگىنگى كەزدەسۋ تۋعان جەردىڭ بولاشاعىن جارقىن ەتۋگە باعىتتالعان ورتاق قادامىمىزدىڭ باستاماسى بولادى دەپ سەنەمىن.

«تۋعان جەرگە تۋىڭدى تىك» - قاسيەتتى حالقىمىزدىڭ ۇرپاقتان-ۇرپاققا جالعاسقان ۇلى ۇستانىمى. بابادان قالعان وسى وسيەت – قازىر وزەكتى، ەرتەڭىمىز ءۇشىن باعدارشام بولماق»، - دەدى بەرىك ءۋالي.

وسى ساپاردىڭ ناتيجەسىندە سەمەي قالاسىنداعى «ءوندىرىس» يندۋستريالىق ايماعىندا «SUTO KAZAKHSTAN» كاسىپورنى قىتاي كومپانياسىمەن بىرلەسىپ، جالپى سوماسى 50 ملن اقش دولل. قۇرايتىن چيپتەر مەن ەلەكتروندى قوندىرعىلاردى وندىرەتىن زاۋىتتىڭ قۇرىلىسى باستادى.

قازىرگە كەزدە سەمەيدەگى جەر كولەمى 96 گەكتاردى قۇرايتىن «ءوندىرىس» يندۋستريالىق ايماعىندا ءتورت جوبا جۇزەگە اسىرىلۋدا. كاسىپكەرلەر مەن ينۆەستورلار تاراپىنان وندىرىستىك الاڭدارعا دەگەن قاجەتتىلىك جوعارى.

سوندىقتان يندۋستريالىق ايماقتىڭ اۋماعىن 600 گەكتارعا دەيىن كەڭەيتۋ جۇمىسى قولعا الىنادى.

“تۋعا جەرگە تۋىڭدى تىك” ينۆەستيتسيالىق فورۋم قورىتىندىسىندا 14 ءوزارا ىنتىماقتاستىق مەموراندۋمىنا قول قويىلادى.

ولار:

• اباي وبلىسى ءبىلىم باسقارماسى مەن استانا قالاسىنىڭ قۇرىلىس باسقارماسى – «جايلى مەكتەپ» جوباسى اياسىندا ءبىلىم بەرۋ نىسانىن سالۋ.
• اباي وبلىسىنىڭ اۋىل شارۋاشىلىعى باسقارماسى مەن «QAZAQ-ASTYQ GROUP» جشس» – تازارتىلعان ماي وندىرەتىن زاۋىت سالۋ.
• اباي وبلىسىنىڭ قۇرىلىس باسقارماسى مەن شىعىس قازاقستان وبلىسىنىڭ ساۋلەت، قالا قۇرىلىسى جانە جەر قاتىناستارى باسقارماسى – سەمەي قالاسىنىڭ وڭ جاق جاعالاۋى قۇرىلىس جوبالارىن ىسكە اسىرۋ.
• اباي وبلىسىنىڭ دەنە شىنىقتىرۋ جانە سپورت باسقارماسى مەن اقتوبە وبلىسىنىڭ اكىمدىگى - جەكپە-جەك سارايىنىڭ قۇرىلىسى.
• اباي وبلىسىنىڭ كاسىپكەرلىك جانە يندۋستريالىق-يننوۆاتسيالىق دامۋ باسقارماسى مەن تۇركىستان وبلىسىنىڭ اكىمدىگى – كورمە ورتالىعىنىڭ قۇرىلىسىن سالۋ.
• سەمەي قالاسىنىڭ اكىمدىگى مەن «KAZ Minerals» جشس – جاڭا ستاديون قۇرىلىسى.
• «سەمەي» الەۋمەتتىك-كاسىپكەرلىك كورپوراتسياسى» اق مەن «QAZAQ-ASTYQ GROUP» جشس» - بۇرشاق جانە باسقا دا اۋىل شارۋاشىلىعى داقىلدارىن قايتا وڭدەۋ جانە پيللينگ بويىنشا زاۋىت سالۋ جوباسى.
• سەمەي قالاسىنىڭ اكىمدىگى مەن «ەيكوس» جشس – قالانىڭ اۋلا كەڭىستىكتەرىن اباتتاندىرۋ.
• اباي وبلىسىنىڭ ەنەرگەتيكا جانە تۇرعىن ءۇي-كوممۋنالدىق شارۋاشىلىق باسقارماسى مەن «DKPROEKT» قۇرىلىس كومپانياسى – «Semey Smart City» اۋدانى بويىنشا جاڭا جوبالىق-سمەتالىق قۇجاتتاما ازىرلەۋ.
• اباي وبلىسىنىڭ تۋريزم باسقارماسى مەن «بىرلىك-پاۆلودار» جشس - جول بويىنداعى سەرۆيستىك نىسانداردىڭ قۇرىلىسى.
• جاڭاسەمەي اۋدانىنىڭ اكىمدىگى مەن چك MIRYILDIZ KZ Ltd. –جاڭاسەمەي اۋدانىندا جاڭا مەكتەپ قۇرىلىسىن سالۋ.
• ءۇرجار اۋدانىنىڭ اكىمدىگى مەن «Q4 تۇلپار» كومپانياسى –بالاباقشا سالۋ.
• اباي وبلىسىنىڭ ساۋلەت، قالا قۇرىلىسى جانە جەر قاتىناستارى مەن «VIRA GROUP» جشس – ساۋدا ءۇيى جوباسىن جۇزەگە اسىرۋ.
• كۋرچاتوۆ قالاسىنىڭ اكىمدىگى مەن «Samal Commodities» جشس –كومىردى تەرەڭ وڭدەۋ ارقىلى اممياك پەن كارباميد وندىرەتىن زاۋىت سالۋ.
• سەمەي قالاسىنىڭ اكىمدىگى مەن «بەلەس» كومپانياسى – بوكس ورتالىعىنىڭ قۇرىلىسى.

Abai.kz