ۋكرايناداعى ءۇش جىلدىق سوعىستا پۋتين ۇرىس دالاسىندا كوپتەگەن ساربازدارىن جوعالتقانىمەن، الدىنا قويعان ماقساتىنا جەتە المادى.

دەگەنمەن، اسكەري ساتسىزدىكتەر كرەملدىڭ ەڭ ۇلكەن پروبلەماسى ەمەس. پۋتين عاسىرلار بويى وعان ەكونوميكالىق جانە تەحنولوگيالىق پروگرەستى قامتاماسىز ەتكەن باتىستى ۇزاق ۋاقىتقا جوعالتتى.

بۇل پىكىردى The New York Times بەتىندە امەريكانىڭ كاتوليكتىك ۋنيۆەرسيتەتىنىڭ پروفەسسورى مايكل كيممەيدج ايتتى.

ءپۋتيننىڭ 2022 جىلى ۋكرايناعا باسىپ كىرۋدەگى باستى ماقساتتارىنىڭ ءبىرى – باتىستىڭ قۇلدىراۋىن كورسەتۋ. كرەمل باتىستىڭ بۇرىنعىداي ۋكراينانى قولداۋدا بىرىكپەي، ءبىر شەشىمدى بولمايتىنىنا سەنىمدى بولدى.

پۋتين رەسەيدى قايتا جاندانعان گەوساياسي كۇش رەتىندە كورسەتكىسى كەلدى. الايدا، شىندىعىندا ول بۇكىل ۋكراينانى باسىپ الا الماي، گەوساياسي جەڭىلىسكە ۇشىرادى. ءپۋتيننىڭ سۇراپىل سوعىسى تەك ەۋروپانى بىرىكتىرىپ، اقىرى ونى رەسەيگە قارسى قويدى.

مايكل كيممەيدجدىڭ ايتۋىنشا، ەۋروپا مەن رەسەي اراسىنداعى بايلانىستاردى 17 عاسىردان باستاپ تالداعان ءجون. اڭگىمە بۇل كەزدەگى سوعىستار تۋرالى ەمەس، رەسەيگە اسكەري كۇش پەن ەكونوميكالىق ءوسۋدى قامتاماسىز ەتكەن تىعىز ەكونوميكالىق قارىم-قاتىناستار تۋرالى.

كەڭەس وداعى كەزىندە دە ماسكەۋ مەن ەۋروپا ءوزارا ارەكەتتەسۋدى جالعاستىردى. الايدا پۋتين تۇسىندا باتىسپەن قارىم-قاتىناس ناشارلاي باستادى.

تاريحشى پۋتين شىن مانىندە ەۋروپامەن قارىم-قاتىناستى ءۇزۋدى كوزدەمەگەنىن، كەرىسىنشە ءوزىنىڭ كوشباسشى رولىنە قايتا ورالعىسى كەلگەنىن اتاپ ءوتتى. ەگەر ول 2022 جىلى ۋكراينانى باسىپ العان بولسا، ول قالاعانىنا قول جەتكىزە الار ەدى: باتىس وعان باس ءيىپ، ناتو-نىڭ سانىن قىسقارتۋعا ءماجبۇر بولار ەدى.

«الايدا، شىن مانىندە، پۋتين ەۋروپانى بىرىكتىرىپ، ونى رەسەيگە جاۋ ەتتى. سودان بەرى ەۋروپا رەسەيمەن ساۋدا قاتىناسىن قىسقارتۋ ءۇشىن قولدان كەلگەننىڭ ءبارىن جاساپ جاتىر. باتىس رەسەيدەن ايىرىلىپ قالۋى مۇمكىن، بىراق شىن مانىندە ونىڭ جاعىندا بەيبىت جانە بولجامدى رەسەي بولعانىن قالايدى. رەسەيدىڭ ءوزى ءۇشىن مۇنداي جەڭىلىس – كۇشتى سوققى. «بۇل ءپۋتيننىڭ تاڭداۋى جانە رەسەيدىڭ تراگەدياسى»، - دەدى كيممەيدج.

كەرىمسال جۇباتقانوۆ،

تاريح عىلىمدارىنىڭ كانديداتى، س. سەيفۋللين اتىنداعى قازاق اگروتەحنيكالىق زەرتتەۋ ۋنيۆەرسيتەتىنىڭ دوتسەنتى

Abai.kz