S&P Global Ratings حالىقارالىق اگەنتتىگى «فريدوم فينانس» اق-تىڭ، Freedom Finance Global PLC كومپانياسىنىڭ، Freedom Finance Europe Ltd جانە «فريدوم بانك قازاقستان» اق-تىڭ رەيتينگتەرى بويىنشا بولجامداردى «تۇراقتى» بولجامىنان «وڭ»بولجامىنا قايتا قاراپ، تاۋەكەلدى باسقارۋ جانە كومپلاەنس جۇيەسىن كۇشەيتۋ اياسىندا ۇزاق مەرزىمدى جانە قىسقا مەرزىمدى رەيتينگتەردى «B+/B» دەڭگەيىندە راستادى. ۇلتتىق شكالا بويىنشا «فريدوم فينانس» اق-تىڭ جانە «فريدوم بانك قازاقستان» اق-تىڭ رەيتينگتەرى «kzBBB-»-تەن باستاپ «kzBBB+»-كە دەيىن كوتەرىلدى.  Freedom Holding Corp. كومپانياسىنىڭ رەيتينگى «ۆ-» دەڭگەيىندە راستالدى.

رەيتينگتەر بويىنشا «وڭ» بولجام تاۋەكەل مەن كومپلاەنستىڭ جالپى جۇيەسىن قۇرۋداعى، سونداي-اق وسى فۋنكتسيالاردى ەنشىلەس قارجى كومپانيالارى دەڭگەيىندە نىعايتۋداعى ايتارلىقتاي ىلگەرىلەۋدى كورسەتەدى.

اتاپ ايتقاندا، اگەنتتىك حولدينگتىڭ تاۋەكەلدى باسقارۋ ساياساتىن، تاۋەكەل دارەجەسى تۋرالى مالىمدەمەلەردى، سانكتسيالىق تاۋەكەلدى باسقارۋ جونىندەگى ساياساتتى جانە وسىنداي تاۋەكەلدى باعالاۋ ءادىسناماسىن بەكىتۋىن، سونداي-اق ەنشىلەس كومپانيالاردىڭ جەرگىلىكتى ساياساتىن بەكىتىلگەن توپتىق قۇجاتتارمەن سينحرونداۋ پروتسەسىن اتاپ ءوتتى.

اگەنتتىك تالداۋشىلارىنىڭ پىكىرىنشە، بۇل سانكتسيالاردى ساقتاۋ، كيبەر-قاۋىپسىزدىك، بەدەلدى، رەتتەۋشى جانە كريپتوۆاليۋتالىق تاۋەكەل سياقتى سالالاردى قوسقاندا توپ دەڭگەيىندەگى تاۋەكەلدى مۇقيات قاداعالاۋعا جانە باقىلاۋعا مۇمكىندىك بەرەدى.

سونداي-اق اگەنتتىك توپتىڭ كاپيتالداندىرۋ جانە كىرىستىلىك كورسەتكىشتەرىن كۇشتى دەپ ساناۋدى جالعاستىرۋدا، بۇل تاۋەكەلدى ەسكەرە وتىرىپ تۇزەتىلگەن كاپيتال كوەففيتسيەنتىمەن (risk adjusted capital - RAC) شامامەن 13% مولشەرىندە جانە 2025 جىلعى 31 ناۋرىزداعى جاعداي بويىنشا 2,6% مولشەرىندە نەگىزگى قىزمەتتەن الىنعان ورتاشا پايدانىڭ تاۋەكەل دارەجەسى بويىنشا مولشەرلەنگەن اكتيۆتەرگە اراقاتىناسىمەن راستالادى.

بۇگىنگى تاڭدا Freedom Broker – برەندى تانىمال جانە نارىقتىق ۇلەسى شامامەن 50%-دى قۇرايتىن قازاقستانداعى ەڭ ءىرى بولشەك جانە ينستيتۋتسيونالدىق بروكەر. 2025 جىلعى 31 ناۋرىزداعى جاعداي بويىنشا قازاقستاننىڭ ازاماتتارى توپتىڭ دۇنيە جۇزىندەگى 683 000 بولشەك بروكەرلىك كليەنتىنىڭ شامامەن 30%-ىن قۇرايدى.

«ەگەر ءبىز توپتىڭ تاۋەكەلدى باسقارۋ جانە كومپلاەنس جۇيەسى جەتىلۋىن جالعاستىرادى، توپ ءوزىنىڭ باعالى قاعازدار پورتفەلى مەن كليەنتتەرىنىڭ ءوسىمى ءۇشىن ورتاشا تاۋەكەل دارەجەسىن ساقتايدى، ال ءبىزدىڭ RAC كوەففيتسيەنتى 10%-دان جوعارى بولىپ قالادى جانە توپ ءوزىنىڭ تابىستىلىعىن قالپىنا كەلتىرەدى جانە S&P Global ەسەبىندە ءوزىنىڭ ماقساتتى ءوسۋ ستراتەگياسىن ىسكە اسىرۋدى جالعاستىرادى دەپ قورىتىندى جاساساق، ءبىز الداعى 12 ايدا جۇمىس ىستەيتىن ەنشىلەس كومپانيالاردىڭ رەيتينگتەرىن كوتەرەمىز»، - دەلىنگەن S&P Global Ratings ەسەبىندە.

 Abai.kz