قاراعاندى وبلىسىندا جىل باسىنان بەرى 2 ترلن تەڭگەگە ونەركاسىپتىك ءونىمى ءوندىرىلدى. وڭدەۋ سەكتورىندا تۇراقتى ءوسۋ بايقالادى. ەكونوميكانى دامىتۋ جانە ينۆەستيتسيالار تارتۋ جالعاسۋدا.

قاراعاندى وبلىسىندا جىل باسىنان بەرى 2 ترلن تەڭگەگە ونەركاسىپتىك ءونىمى ءوندىرىلدى. وڭدەۋ سەكتورىندا تۇراقتى ءوسۋ بايقالادى. ەكونوميكانى دامىتۋ جانە ينۆەستيتسيالار تارتۋ جالعاسۋدا.

جەتىستىكتەر مەن الداعى جوسپارلار تۋرالى وبلىس اكىمى ەرماعانبەت بولەكپاەۆ وڭىرلىك كوممۋنيكاتسيالار قىزمەتىندە وتكەن بريفينگتە ايتىپ بەردى.

– نەگىزگى كاپيتالعا سالىنعان ينۆەستيتسيالار كولەمى 327 ملرد تەڭگەگە دەيىن ءوستى. جىل سوڭىنا دەيىن كورسەتكىش جوعارى بولادى. 2031 جىلعا دەيىن 4,3 ترلن تەڭگەگە 108 ينۆەستيتسيالىق جوبانى جۇزەگە اسىرۋدى جوسپارلاپ وتىرمىز، بۇل 11 مىڭ جۇمىس ورنىن قۇرۋعا مۇمكىندىك بەرەدى، – دەپ مالىمدەدى وبلىس باسشىسى.

ول وبلىستا قانداي جاڭا زاۋىتتار پايدا بولاتىنىن ايتتى: مەتالل بۇيىمدارىن ىستىق مىرىشتاۋ، بولات تىك تىگىستى قۇبىرلار، اليۋميني رادياتورلار ءوندىرۋ. ءىرى جوبالاردىڭ قاتارىندا وساكاروۆ اۋدانىنداعى جەل ەلەكتر ستانتسياسى، «سارىارقا» اەا-دا فەرروسيليتسي شىعاراتىن كەشەن بار.

وبلىستا شاعىن جانە ورتا بيزنەس تە بەلسەندى دامىپ كەلەدى، دەپ اتاپ ءوتتى ەرماعانبەت بولەكپاەۆ. بۇل سەكتوردا بۇگىندە 100 مىڭعا جۋىق سۋبەكت جۇمىس ىستەيدى، 245 مىڭعا جۋىق ادام جۇمىسپەن قامتىلعان. جىل قورىتىندىسى بويىنشا ءجوو-دەگى شوب ۇلەسى 23% -عا وسەدى دەپ كۇتىلۋدە. بيزنەس-باستامالارعا مەملەكەتتىك قولداۋ كورسەتىلەدى: سۋبسيديالار، كەپىلدىكتەر، گرانتتار جانە شاعىن نەسيەلەر بەرىلەدى.

Abai.kz