قاراعاندى وبلىسىندا «اۋىل» پارتياسىنىڭ ساياسي كەڭەسىنىڭ كەڭەيتىلگەن وتىرىسى ءوتتى. 

كۇن تارتىبىندەگى نەگىزگى ماسەلە – كونستيتۋتسيالىق رەفورمالار جونىندەگى كوميسسيا ۇسىنعان جاڭا كونستيتۋتسيا جوباسىن تالقىلاۋ. 

جيىندا جاڭا كونستيتۋتسيا جوباسىنىڭ نەگىزگى ەرەجەلەرى، ونىڭ ىشىندە اۋىلدىق ايماقتاردىڭ دامۋىنا، اگرارلىق سەكتورعا، جەرگىلىكتى ءوزىن-ءوزى باسقارۋ جۇيەسىنە جانە الەۋمەتتىك ساياساتقا ىقپالى جان-جاقتى سارالاندى.

كەڭەيتىلگەن وتىرىسقا ساياسي كەڭەس مۇشەلەرى، باستاپقى پارتيا ۇيىمدارىنىڭ توراعالارى، پارتيا بەلسەندىلەرى مەن كادرلىق رەزەرۆ وكىلدەرى قاتىستى.

وتىرىستى اشقان «اۋىل» پارتياسىنىڭ قاراعاندى وبلىسى بويىنشا وڭىرلىك فيليالىنىڭ توراعاسى رۋسلان نيكونوۆيچ بايانداما جاساپ، تالقىلانىپ وتىرعان ماسەلەلەر «ادىلەتتى قازاقستاننىڭ» جاڭا ساياسي مادەنيەتى مەن قۇقىقتىق نەگىزدەرىن قامتيتىنىن اتاپ ءوتتى.

«كونستيتۋتسيالىق رەفورما مەن مەملەكەت باسشىسى قاسىم-جومارت كەمەلۇلى توقاەۆتىڭ حالىققا جولداۋلارىندا كورسەتىلگەن ستراتەگيالىق باعىتتار – ءبىزدىڭ پارتيا جۇمىسىنىڭ نەگىزگى باعدارشامى»، – دەدى رۋسلان نيكونوۆيچ.

كۇن تارتىبىنە سايكەس وتىرىس بارىسىندا جاڭا كونستيتۋتسيا جوباسىن نەگىزگى باعىتتارى بويىنشا پىكىرتالاستار وتكىزىلدى، سپيكەرلەر ءوز ۇستانىمدارىن تانىستىردى.

ساياسي كەڭەس مۇشەسى سەرگازى ادەكەنوۆ پارتيا قۇرىلىمدارىنىڭ نەگىزگى مىندەتتەرىنىڭ ءبىرى – كونستيتۋتسيالىق جاڭاشىلدىقتاردىڭ ءمان-ماڭىزىن حالىققا جەتكىزۋ جانە ازاماتتار اراسىندا جۇرگىزىلىپ جاتقان رەفورمالاردى وبەكتيۆتى ءتۇسىندىرۋ ەكەنىن اتاپ ءوتتى.

«ۇسىنىلىپ وتىرعان جاڭا كونستيتۋتسيا جوباسى ەڭ الدىمەن حالىق مۇددەسىن قورعاۋعا، بيلىك تارماقتارى اراسىنداعى تەپە-تەڭدىكتى ساقتاۋعا جانە جەرگىلىكتى ءوزىن-ءوزى باسقارۋدىڭ ءرولىن كۇشەيتۋگە باعىتتالعان»، – دەدى ول.

اباي اۋدانىنىڭ ءماسليحات دەپۋتاتى، «ەرجانوۆ» شارۋا قوجالىعىنىڭ جەتەكشىسى التاي ابيشەۆتە كونستيتۋتسيا جوباسىن قولداپ، ونىڭ اۋىلدىق جەرلەردى دامىتۋعا، قۇقىقتىق كەپىلدىكتەردى نىعايتۋعا جانە مەملەكەتتىك ينستيتۋتتاردىڭ قوعام الدىنداعى جاۋاپكەرشىلىگىن ارتتىرۋعا ماڭىزدىلىعىن اتاپ ءوتتى.

پارتيالىق بەلسەندى ساكەن كەلدىباەۆ سوزىندە نەگىزگى مەملەكەتتىك قۇجاتتاردى تالقىلاۋعا قوعامدىق قاتىسۋدىڭ ماڭىزدىلىعىنا توقتالىپ، كونستيتۋتسيانى جاڭارتۋ قوعامنىڭ ادىلدىك پەن باسقارۋدىڭ اشىقتىعىنا دەگەن سۇرانىسىن بەينەلەيدى دەپ اتاپ ءوتتى.

«ايەل قاناتى» باستاپقى پارتيا ۇيىمىنىڭ ءتورايىمى مارينا شيللەر كونستيتۋتسيالىق رەفورما ازاماتتىق بەلسەندىلىك مۇمكىندىكتەرىن كەڭەيتۋگە، وتباسى ينستيتۋتىن نىعايتۋعا جانە ايەلدەردىڭ قوعامدىق-ساياسي ومىردەگى ءرولىن ارتتىرۋعا ىقپال ەتەتىنىن اتاپ ءوتتى.

شەت اۋدانى پارتيا ۇيىمىنىڭ ءتورايىمى ارايلىم اميروۆا جاڭا كونستيتۋتسيا جوباسىن كەڭىنەن تالقىلاۋ ازاماتتىق قوعامنىڭ ءپىسىپ-جەتىلگەنىن جانە ازاماتتاردىڭ ەلدىڭ بولاشاعىن قالىپتاستىرۋعا قاتىسۋعا ۇمتىلىسىن كورسەتەتىنىن ەرەكشە اتاپ ءوتتى. 

بۇل كەزدەسۋ تەك پارتياىشىلىك ديالوگ الاڭى عانا ەمەس، مەملەكەتتىك ماڭىزى بار رەفورمالار بويىنشا ورتاق پىكىر قالىپتاستىرۋ الاڭى بولدى.

ءىس-شارا سوڭىندا «اۋىل» پارتياسىنىڭ 25 جىلدىعىنا وراي پارتيا بەلسەندىلەرىن مەرەيتويلىق مەدالدارمەن ماراپاتتاۋ ءراسىمى وتكىزىلدى.

Abai.kz