وڭتۇستىك كورەيادا تولاسسىز جاۋعان جاڭبىر سالدارىنان ەكى ادام قازا تاۋىپ، شامامەن 1000 تۇرعىن ەۆاكۋاتسيالاندى. بۇل تۋرالى Yonhap اگەنتتىگى ءمالىم ەتتى.

ەڭ كوپ جاۋىن-شاشىن وڭتۇستىك چۋنچحون پروۆينتسياسىنداعى سوسان قالاسىندا تىركەلىپ، 344 مم-گە جەتكەن. اپاتتان زارداپ شەككەن اۋدانداردىڭ ءبىرى – ەل استاناسىنا جاقىن ورنالاسقان وسان قالاسى. وندا كولىككە تىرەك قابىرعانىڭ قۇلاۋى سالدارىنان جۇرگىزۋشى كوز جۇمدى. ال سوساندا سۋ باسقان اۆتوكولىكتەن جۇرەگى توقتاپ قالعان ادام تابىلىپ، اۋرۋحاناعا جەتكىزىلگەنىمەن، امان قالمادى.

بيلىك چۋنچحون مەن كەنگيدو پروۆينتسيالارىنىڭ وڭتۇستىگىندە ەكىنشى دەڭگەيلى قاۋىپ دابىلىن جاريالادى. سينوپتيكتەردىڭ مالىمەتىنشە، نوسەر جاڭبىر سەنبىگە دەيىن جالعاسۋى مۇمكىن.

ايتا كەتەيىك، ۇقساس تابيعي اپات اقش-تىڭ سولتۇستىك-شىعىسىندا دا ورىن الىپ وتىر. 15 شىلدەدە نيۋ-يورك قالاسىندا قاتتى جاڭبىر سالدارىنان مەتروپوليتەننىڭ جۇمىسى ۋاقىتشا توقتاپ، توتەنشە جاعداي جاريالاندى.