بۇگىنگى تاڭدا ءبىرىنشى كەزەڭ شەڭبەرىندە 11-13 جاس ارالىعىنداعى 149,3 مىڭنان استام قىزعا ۆاكتسينا سالىندى، 90 مىڭعا جۋىق ءجاسوسپىرىم ۆاكتسينانىڭ ەكىنشى دوزاسىن الدى، وتكەن جىلدىڭ قىركۇيەگىنەن باستاپ بارلىعى اپۆ-عا قارسى 238,2 مىڭ پروفيلاكتيكالىق ەگۋ جۇرگىزىلدى. 

— بارلىق ۆاكتسينا العان جاعدايلاردىڭ اراسىندا قولايسىز جاعىمسىز رەاكتسيالار تىركەلگەن جوق. ۆاكتسينا قاۋىپسىز، جاقسى ءتوزىمدى جانە الدىن الۋدىڭ ءتيىمدى ءادىسى رەتىندە دۇنيەجۇزىلىك دەنساۋلىق ساقتاۋ ۇيىمى ۇسىنادى.

اپۆ-عا قارسى ۆاكتسيناتسيالاۋ باعدارلاماسىنىڭ نەگىزگى ماقساتى — ايەلدەردى اپۆ تۋدىراتىن ەڭ كوپ تارالعان اۋرۋ بولىپ تابىلاتىن جاتىر موينى وبىرىنان، سونداي-اق گەنيتالي كونديلومالارىن، انۋس پەن جىنىس مۇشەلەرىنىڭ وبىرىن قوسا العاندا باسقا دا ونكولوگيالىق اۋرۋلاردان قورعاۋ، — دەلىنگەن دسم حابارلاماسىندا.
اپۆ ۆاكتسيناتسياسىنىڭ اۋىرتپالىعى مەن تيىمدىلىگىن ەسكەرە وتىرىپ، 147 ەل بۇل ۆاكتسينانى وزدەرىنىڭ ۇلتتىق يممۋنداۋ باعدارلامالارىنا ەنگىزدى جانە الەمنىڭ 76 ەلى اپۆ-عا قارسى قىزدى دا، ۇلدى دا ۆاكتسيناتسيالايدى.

كونتينگەنتتىڭ كەڭەيۋى جالپى حالىق اراسىندا اپۆ-نىڭ تارالۋىنىڭ تومەندەۋىنە ىقپال ەتۋى مۇمكىن، وسىلايشا وسى ۆيرۋسقا بايلانىستى ونكولوگيالىق اۋرۋلاردىڭ دامۋ قاۋپىن ازايتادى.

— وسىعان بايلانىستى دەنساۋلىق ساقتاۋ مينيسترلىگى 11 جاستاعى ۇلداردى قوسا العاندا، اپۆ ۆاكتسيناتسياسىمەن قامتۋدى كەڭەيتۋدى جوسپارلاپ وتىر.

بۇدان باسقا، قورعانىس مينيسترلىگىنىڭ باستاماسى بويىنشا مەرزىمدى قىزمەتتەگى اسكەري قىزمەتشىلەردى مەنينگوكوكك ينفەكتسياسىنا قارسى ۆاكتسيناتسيالاۋدى ەنگىزۋ جوسپارلانىپ وتىر. بۇل كونتينگەنت ينفەكتسيالىق اۋرۋلارمەن سىرقاتتانۋشىلىق بويىنشا جوعارى قاۋىپ توبىن بىلدىرەدى جانە ەپيدەميولوگيالىق تۇرعىدان ەڭ وسال، ويتكەنى اسكەري قىزمەت جوعارى فيزيكالىق جانە پسيحولوگيالىق جۇكتەمەلەرمەن، ۇجىمدىق تۇرۋمەن جانە تىعىز بايلانىستارمەن، ءجيى ىسساپارلارمەن جانە دالالىق شىعۋلارمەن بايلانىستى، — دەلىنگەن مينيسترلىك حابارلاماسىندا.
سونىمەن قاتار، ەلدە حالىقتى يممۋنداۋ جونىندەگى ساراپشىلاردىڭ ۇلتتىق تەحنيكالىق كونسۋلتاتسيالىق توبىنىڭ ۇسىنىمدارىنا سايكەس 1 جاسقا دەيىنگى بالالارعا كوكجوتەلگە، ديفتەرياعا، سىرەسپەگە، ۆ ءتيپتى گەموفيلدى ينفەكتسياعا، پوليوميەليتكە جانە «ۆ» ۆيرۋستىق گەپاتيتىنە قارسى ۆاكتسيناتسيالاۋ كەستەسىن وزگەرتۋ جانە 16 جاستاعى جاسوسپىرىمدەرگە، سونداي-اق، جۇكتى ايەلدەردى ەپيدەميولوگيالىق كورسەتكىشتەر بويىنشا ەرىكتى نەگىزدە كوكجوتەلگە قارسى ۆاكتسيناتسيالاۋدى ەنگىزۋ جوسپارلانىپ وتىر.

ۆاكتسيناتسيالانۋعا جاتاتىن كونتينگەنتتىڭ كەڭەيۋى اۋرۋدىڭ اۋىر اعىمىنىڭ، اسقىنۋلاردىڭ، ۆاكتسينامەن باسقارىلاتىن ينفەكتسيالاردان، سونىڭ ىشىندە كوكجوتەلدەن، اپۆ-عا بايلانىستى ونكولوگيالىق اۋرۋلاردان بولاتىن ءولىمنىڭ قاۋپىن بارىنشا تومەندەتەدى.

Abai.kz