سەمسەرلەسۋدەن قازاقستان ەرلەر قۇراماسى كوماندالىق جارىستا توعىز دۇركىن وليمپيادا چەمپيونىن جەڭىپ، الەم چەمپيوناتىندا تاريحي قولا مەدال يەلەندى. 

بۇگىن سەمسەرلەسۋدەن ۇلتتىق قۇراما تبيليسيدە ءوتىپ جاتقان الەم چەمپيوناتىندا تاريحي جەتىستىككە قول جەتكىزدى. ءبىزدىڭ قۇراما العاش رەت جارتىلاي فينالعا شىعىپ، قازىرگى الەم چەمپيونى — يتاليا قۇراماسىن جەڭدى.

كيريلل پروحودوۆ، رۋسلان قۇربانوۆ، ۆاديم شارلايموۆ جانە ەلمير ءالىمجانوۆ فينال جولداماسى ءۇشىن توكيو وليمپياداسىنىڭ چەمپيونى، پاريج وليمپياداسىنىڭ كۇمىس جۇلدەگەرى جاپونيا سپورتشىلارىمەن شەبەرلىك بايقاسىپ، قارسىلاستارىنا از عانا باسىمدىقپەن جول بەرىپ قويدى.

قولا جۇلدە ءۇشىن وتكەن تارتىستى كەزدەسۋدە وتاندىق سپورتشىلار توعىز مارتە وليمپيادا چەمپيونى اتانعان فرانتسيا قۇراماسىمەن باق سىناسىپ، الەم چەمپيوناتىنىڭ قولا جۇلدەسىن جەڭىپ الدى.

مەملەكەت باسشىسىنىڭ وتاندىق سپورتقا شەتەلدىك مامانداردى تارتۋ جونىندەگى تاپسىرماسىن ىسكە اسىرۋ اياسىندا وسى جىلدان باستاپ سەمسەرلەسۋدەن ەرلەر جانە ايەلدەر اراسىنداعى ۇلتتىق قۇرامالاردا بەدەلدى باپكەرلەر مەن كەڭەسشىلەر جۇمىس ىستەي باستادى. تۋريزم جانە سپورت مينيسترلىگى وتاندىق سپورتقا حالىقارالىق تاجىريبەنى ەنگىزۋ، ەل سپورتشىلارىنىڭ بىلىكتىلىگىن ارتتىرۋ، جۇلدە كورسەتكىشىن جاقسارتۋ جانە سپورت سالاسىن دامىتۋ باعىتىنداعى مەملەكەتتىك ساياساتتى ىسكە اسىرۋ بويىنشا جۇيەلى جۇمىستى جالعاستىرىپ كەلەدى.

Abai.kz