اقش پرەزيدەنتى دونالد ترامپ برازيليادان كەلەتىن تاۋارلارعا قوسىمشا 40 پايىزدىق باج سالىعىن ەنگىزۋ تۋرالى جارلىققا قول قويدى. وسىلايشا، برازيليالىق تاۋارلار يمپورتىنىڭ جالپى مولشەرلەمەسى 50 پايىزدى قۇرادى. بۇل تۋرالى اق ءۇيدىڭ ءباسپاسوز قىزمەتى جازدى.

حابارلامادا برازيليانىڭ ساياساتى "اقش-تىڭ ۇلتتىق قاۋىپسىزدىگىنە، سىرتقى ساياساتى مەن ەكونوميكاسىنا توتەنشە قاۋىپ توندىرەتىنى" كورسەتىلگەن.

بۇعان دەيىن ترامپ برازيليا بيلىگىن "سايتاننىڭ قۇربانى" دەپ اتاعان ەلدىڭ بۇرىنعى پرەزيدەنتى دجەير بولسونارونى قۋدالادى دەپ ايىپتاعان حاتىن جاريالادى.

برازيليا پرەزيدەنتى لۋلا دا سيلۆا بۇعان دەيىن ۆاشينگتوننىڭ ساۋدا قىسىمى كۇشەيگەن جاعدايدا ەلدىڭ بالاما ساۋدا سەرىكتەستەرىن ىزدەۋگە دايىن ەكەنىن مالىمدەدى.

ترامپ بۇعان دەيىن ۇندىستانعا 25 پايىزدىق باج سالىعىن ەنگىزىپ، ءۇندىستاننىڭ تاريفتەرى الەمدەگى ەڭ جوعارى تاريفتەردىڭ ءبىرى ەكەنىن جانە بۇل ەلدە "كەز كەلگەن ەلدىڭ ەڭ اۋىر جانە شەكتەن شىققان تاريفتىك ەمەس ساۋدا كەدەرگىلەرى" بار ەكەنىن ايتتى.