ترامپتىڭ ايتۋىنشا، ءۇندىستان ۆاشينگتون تاراپىنان بىرنەشە رەت جاسالعان ەسكەرتۋگە قاراماستان، رەسەيدەن جەڭىلدىكپەن مۇناي الىپ، ۋكرايناداعى سوعىستى قارجىلاندىرۋعا كومەكتەسىپ، ماسكەۋگە جاناما تۇردە قارجىلاي قولداۋ كورسەتىپ وتىر.

«ءۇندىستان قازىر تىكەلەي نەمەسە جاناما تۇردە رەسەي مۇنايىن ساتىپ الىپ وتىر»، – دەدى ترامپ.

اقش بيلىگى 25 پايىزدىق جاڭا باج سالىعىنىڭ ناقتى قاي تاۋارلارعا قولدانىلاتىنىن جاريالامادى. دەگەنمەن،ساراپشىلاردىڭ پايىمىنشا، ول نەگىزىنەن ءۇندىستاننان يمپورتتالاتىن مىناداي ونىمدەرگە اسەر ەتۋى مۇمكىن:

• بولات جانە اليۋميني،
• فارماتسەۆتيكالىق ونىمدەر،
• توقىما بۇيىمدارى،
• اۋىل شارۋاشىلىق تاۋارلارى.

ەكونوميستەردىڭ ايتۋىنشا، بۇل شەشىم ءۇندىستان ەكونوميكاسىنا عانا ەمەس، ەكى ەل اراسىنداعى ساۋدا قارىم-قاتىناسىنا دا كەرى اسەر ەتۋى ىقتيمال. 2023 جىلى اقش پەن ءۇندىستان اراسىنداعى تاۋار اينالىمى 130 ملرددوللاردان اسقان.

ءۇندىستان تاراپى ازىرگە رەسمي جاۋاپ بەرمەگەنىمەن، بۇعان دەيىن ەلدىڭ سىرتقى ىستەر ءمينيسترى سۋبرامانيام دجايشانكار رەسەيمەن ەنەرگەتيكالىق ارىپتەستىكتى ۇلتتىق ەكونوميكالىق مۇددەلەرمەن تۇسىندىرگەن ەدى.

«ءبىز الەمدىك نارىقتا نە ءتيىمدى سونى تاڭدايمىز. بۇل ءبىزدىڭ ەنەرگەتيكالىق قاۋىپسىزدىگىمىز ءۇشىن ماڭىزدى»، – دەگەن ول.

Abai.kz