ابايدىڭ 180 جىلدىق مەرەيتويى بيىل العاش رەت ونكۇندىك رەتىندە اتالىپ ءوتتى.

سۋرەت: اباي وبلىسى اكىمدىگىنەن الىندى.

مەرەيلى داتا اياسىندا كەشەندى جوسپار بەكتىلىپ، حالىقارالىق، رەسپۋبليكالىق جانە وڭىرلىك دەڭگەيدە 100-دەن استام اۋقىمدى ءىس-شارا ۇيىمداستىرىلدى.

سۋرەت: اباي وبلىسى اكىمدىگىنەن الىندى.

ءىس-شارالاردى ۇيىمداستىرۋعا جۇزدەگەن مادەنيەت قىزمەتكەرى، اسپاز، تەحنيكالىق ماماندار، 500-دەن استام ۆولونتەر جانە اۋداننان كەلگەن ارداگەرلەر، سالت-ءداستۇر بىلگىرلەرى جۇمىلدىرىلدى. 1-10 تامىز ارالىعىندا 70-تەن استام ءىرى مادەني ءىس-شارا، 10 تەاترلاندىرىلعان قويىلىم، 8 كورمە مەن فەستيۆال، 5 سپورتتىق جارىس، 5 رەسپۋبليكالىق جانە حالىقارالىق شىعارماشىلىق جوبا قامتىلدى.

سۋرەت: اباي وبلىسى اكىمدىگىنەن الىندى.

اباي قۇنانبايۇلىنىڭ 180 جىلدىق مەرەيتويى – ۇلتتىق اۋقىمداعى ەرەكشە تاريحي-رۋحاني وقيعا. 10 تامىزدا اباي اۋدانىندا وتكەن اقىننىڭ 180 جىلدىعىنا ارنالعان مەرەيتويلىق شارالارعا 50 مىڭنان استام ادام جينالدى. ونىڭ ىشىندە 15 ەلدەن شەتەلدىك دەلەگاتسيالار، عىلىمي جانە شىعارماشىلىق زيالى قاۋىم، ونەر يەلەرى، جاستار، تۋريستەر مەن باق وكىلدەرى بولدى. اباي اۋدانىندا 200-دەن استام كيىز ءۇي تىگىلدى.

سۋرەت: اباي وبلىسى اكىمدىگىنەن الىندى.

مەرەيتوي كەزىندە مادەني-رۋحاني، تانىمدىق، ينتەللەكتۋالدىق ءىس-شارالارعا باسىمدىق بەرىلدى.

سۋرەت: اباي وبلىسى اكىمدىگىنەن الىندى.

«ABAI AKADEMIASY» اتتى ەنتسيكلوپەديالىق پورتال ىسكە قوسىلىپ، اباي مۇراسى تسيفرلى كەڭىستىككە جول اشتى. تۇركىستان وبلىسىنىڭ مادەني كۇندەرى اياسىندا اۋىل شارۋاشىلىعى ونىمدەرىنىڭ جارمەڭكەسى، قولونەر شەبەرلەرىنىڭ كورمەسى جانە ونەرپازداردىڭ كونتسەرتى ۇيىمداستىرىلدى. سەمەيگە تۇركىستان وڭىرىنەن 540 توننادان استام ءونىم جەتكىزىلدى. مىڭنان استام ادام قاتىسقان «اباي QUIZ» رەسپۋبليكالىق زياتكەرلىك ويىنى ءوتتى. بۇل ەرەكشە فورماتتاعى ينتەللەكتۋالدى جوبا قازاقستان رەكوردتار كىتابىنا ۇسىنىلدى. سەمەي قالاسىندا زاعيپ جانە كوزى ناشار كورەتىن ازاماتتارعا ارنالعان ارنايى كىتاپحانا اشىلدى. بۇل – مادەني-الەۋمەتتىك مەكەمە ەلىمىزدەگى وڭىرلىك دەڭگەيدەگى ەڭ ءىرى جانە زامانۋي ينكليۋزيۆتى كەڭىستىك.

سۋرەت: اباي وبلىسى اكىمدىگىنەن الىندى.

مەرەيتوي اياسىندا ناۋرىزباي اقبايدىڭ «اباي جولى» ەنتسيكلوپەدياسى (قۇراستىرعان – كورنەكتى قالامگەر اسقار التاي), «دارىن» مەملەكەتتىك جاستار سىيلىعىنىڭ يەگەرى باعاشار تۇرسىنبايۇلىنىڭ بالالارعا ارنالعان «اباي قۇنانبايۇلى كىم؟» كىتابى، «اباي شىعارمالارىنىڭ ءۇش تومدىق اكادەميالىق جيناعى» (قۇراستىرعان – بەلگىلى ادەبيەتتانۋشى عالىم، ادەبيەت جانە ونەر ينستيتۋتىنىڭ ديرەكتورى كەنجەحان ماتىجانوۆ), عالىم، مادەنيەتتانۋشى بازاربەك اتىعايدىڭ «ابايدىڭ اۋدارما مەكتەبى» مونوگرافياسى، شəكəرىم تۋرالى ەستەلىكتەر مەن جاڭا دەرەكتەردى قامتيتىن «شەيىت» جيناعى، احات شاكəرىمۇلىنىڭ «جالىنعا مالعان جۇرەگىن» جيناعى (قۇراستىرعاندار – اقبەرەن ەلگەزەك، مەرەي قارت، جاننا Əدىلبەكقىزى), اسەت مەدەۋحانۇلىنىڭ «حاليوللا» حيكاياتى، دانيال ىسقاقوۆتىڭ شىعارمالارى، شاكارىم ۋنيۆەرسيتەتىندەگى «اباي جانە ۇلتتىق رۋحانيات» عىلىمي ورتالىعىنىڭ ماماندارى دايىنداعان AR «قاراسوز» كىتاپتارى وقىرمانعا جول تارتتى. بۇل تۋىندىلار العاش رەت كوپشىلىك وقىرمانعا ۇسىنىلىپ وتىر.

سۋرەت: اباي وبلىسى اكىمدىگىنەن الىندى.

بەلگىلى يلليۋستراتور اڭساعان مۇستافانىڭ «كوڭىلگە ءتۇرلى وي سالار…» اتتى كورمەسى، «اسىل مۇرا» قولونەرشىلەر فەستيۆالى، «ادامزاتتىڭ الىبى – حاكىم اباي» مەرەيتويلىق كونتسەرتى ءوتتى. 2-3 تامىز كۇندەرى قازاقستاننىڭ حالىق ءارتىسى مايرا يلياسوۆانىڭ «اينالدىم ەلىم»، قازاقستاننىڭ حالىق ءارتىسى، بەلگىلى كۇيشى سەكەن تۇرىسبەكوۆ پەن «اق جاۋىن» وركەسترىنىڭ «اباي جولى» كونتسەرتى مەن شاحيماردان ءابىلوۆتىڭ «وي تولعاۋ – حاكىم اباي» مونووپەراسى، ءداستۇرلى ءانشى، كۇيشى، سىبىزعىشىلاردىڭ قاتىسۋىمەن وتكەن «اباي الەمى» رۋحاني كەشى كورەرمەننىڭ ىستىق ىقىلاسىنا بولەندى.

سۋرەت: اباي وبلىسى اكىمدىگىنەن الىندى.

كاسىبي سپورتشىلاردىڭ قاتىسۋىمەن 180 شاقىرىمدىق «سەمەي – قاراۋىل» ۋلترامارافونى بولدى. اباي اۋدانىندا «جەتى قازىنا» اتتى مادەنيەت، سپورت جانە تۋريزم فەستيۆالى ۇيىمداستىرىلدى. ءۇش كۇنگە سوزىلعان شارا اياسىندا «ەر جىگىت»، «سۇلۋ ايەل»، «ءىلىم-ءبىلىم»، «قىران بۇركىت»، «جۇيرىك ات»، «قۇماي تازى»، «بەرەن مىلتىق» سايىستارى ءوتتى.

سۋرەت: اباي وبلىسى اكىمدىگىنەن الىندى.

«مەملەكەت باسشىسى قاسىم-جومارت كەمەلۇلى توقاەۆ قازاقستان حالقىنا ارناعان جاڭاجىلدىق قۇتتىقتاۋ سوزىندە «ۇلى ابايدىڭ 180 جىلدىق مەرەيتويىن لايىقتى اتاپ ءوتۋىمىز كەرەك» دەپ ارنايى تاپسىرما بەرگەن بولاتىن. اباي تويى ەڭ الدىمەن توي تويلايتىن ەمەس، وي ويلايتىن باسقوسۋ بولماعى ءلازىم ەكەنىن بارشا جۇرت ايتادى. مەرەيتوي تەك ساحنالىق مەرەكە عانا ەمەس، ۇلتقا پايدالى مۇرا قالدىراتىن ناقتى جوبالار كەزەڭى دە بولۋى ءتيىس. بۇل تويدىڭ بەدەرىندە ەلگە يگىلىكتى ءبىراز شارۋا اتقارىلدى. توي تاراپ، ابىگەر باسىلعان سوڭ دا ەل يگىلىگىنە قىزمەت ەتە بەرەتىن دۇنيەلەر جاساۋدى مۇرات ەتتىك» دەدى وبلىس اكىمى بەرىك ءۋالي.

سۋرەت: اباي وبلىسى اكىمدىگىنەن الىندى.

وبلىستا مەرەيتويعا وراي مەملەكەت باسشىسى قاسىم-جومارت كەمەلۇلى توقاەۆتىڭ قولداۋىمەن «ابايعا قۇرمەت» اكتسياسى باستالدى. ەلىمىزدىڭ ءار ءوڭىرى ءبىر نىساننان سالىپ بەرەدى. كەشە ماڭعىستاۋ دوستىق ءۇيىنىڭ قۇرىلىسىن باستاسا، شىمكەنت شىعارماشىلىق ورتالىقتى، تۇركىستان كورمە ورتالىعىن، استانا كەلەشەك مەكتەبىن، اقتوبە جەكپە جەك ورتالىعىن، پاۆلودار وبلىسى ۇستەل تەننيسى ورتالىعىن سالۋدى، شىعىس قازاقستان ەرتىس جاعالاۋىن اباتتاندىرۋدى جوسپارلاپ وتىر.

سۋرەت: اباي وبلىسى اكىمدىگىنەن الىندى.

«اباي-شاكارىم» كەسەنەسى اۋماعىندا «ەتنو اۋىل جيدەباي» كەشەنى بوي كوتەرەدى. اباي اۋدانىنىڭ تۋماسى، مەتسەنات بەكتاس مەدعاتوۆتىڭ باستاماسىمەن جۇزەگە اساتىن، 60 گەكتار اۋماقتى قامتيتىن كەشەن وڭىردەگى تۋريزمدى دامىتىپ، رۋحاني-مادەني مۇرانى دارىپتەپ، جيدەبايدى حالىقارالىق تۋريستىك باعىتتاردىڭ بىرىنە اينالدىرادى.
سونىمەن قاتار جيدەباي مەن بورىلىدە انتەننا-دىڭگەكتى قۇرىلعى ورناتىلىپ، ينتەرنەت قوسىلدى. وسىلايشا، اباي تويى قارساڭىندا اباي اۋدانى 100 پايىز ينتەرنەتپەن قامتىلدى.

Abai.kz