«زاڭ مەن ءتارتىپ» تۇجىرىمداماسىن ىسكە اسىرۋ جانە قۇقىق بۇزۋشىلىقتارعا مۇلدەم توزىمدىلىك قاعيداتىن قامتاماسىز ەتۋ ماقساتىندا قىلمىستىق كودەكسكە نەكەگە تۇرۋعا ماجبۇرلەۋ ءۇشىن قىلمىستىق جاۋاپتىلىق كوزدەلگەن جاڭا 125-1-بابىەنگىزىلدى.

اتالعان زاڭعا مەملەكەت باسشىسى 2025 جىلعى 16 شىلدەدە قول قويدى. وسى زاڭقىلمىستىق زاڭنامانى وڭتايلاندىرۋ شەڭبەرىندە قابىلداندى.

«نەكە جانە وتباسى تۋرالى» كودەكستىڭ 25-بابىنىڭ 1-تارماعى 2)-تارماقشاسىنا سايكەس، ماجبۇرلەۋ ارقىلى قيىلعان نەكە جارامسىز دەپ تانىلادى. نەكە – بۇل ەرىكتى وداق، ول تەك ەكى جاقتىڭ ءوزارا كەلىسىمىمەن عانا جاسالۋى ءتيىس.

ماجبۇرلەۋ، اسىرەسە قىسىم، قورقىتۋ، پسيحولوگيالىق نەمەسە فيزيكالىق زورلىق كورسەتۋ – بۇل ادامنىڭ نەگىزگى قۇقىقتارىن بۇزۋ بولىپ تابىلادى.

كوپتەگەن ەلدەردە مۇنداي ارەكەت اۋىر قىلمىس رەتىندە قاراستىرىلادى، سەبەبى ءماجبۇرلى نەكەگە وقشاۋلاۋ، ەركىندىكتى شەكتەۋ، زورلىق-زومبىلىق جانە كەيبىر جاعدايلاردا قۇربانداردىڭ ءوز-وزىنە قول جۇمساۋ ارەكەتتەرىمەن قاتار ءجۇرۋى مۇمكىن.

بىرقاتار ەلدەردە مۇنداي نەكە ادام ساۋداسىنىڭ ءبىر ءتۇرى رەتىندە تانىلادى.

سوڭعى 5 جىلدا قازاقستاندا وسىنداي 257 قىلمىستىق ءىس تىركەلدى، ولاردىڭ 95%-ى توقتاتىلدى.

جاڭا زاڭناماعا سايكەس، قورقىتۋ، بوپسالاۋ، كۇش قولدانۋ نەمەسە باسقا دا قىسىم كورسەتۋ ارقىلى نەكەگە ماجبۇرلەۋ ءۇشىن 2 جىلعا دەيىن باس بوستاندىعىنان ايىرۋ جازاسى كوزدەلەدى، ال ەگەر اۋىر زارداپتار بولسا – 10 جىلعا دەيىن.

سونداي-اق قك-ءنىڭ 125-بابىنا وزگەرىستەر ەنگىزىلىپ، جابىرلەنۋشىنى ەرىكتى تۇردە بوساتۋ جاعدايىندا ءىستى توقتاتۋعا جول بەرىلمەيدى. ەندى ءماجبۇرلى نەكەگە تۇرۋ ماقساتىندا ايەلدى ۇرلاۋ قىلمىستىق كودەكستىڭ 125 جانە 125-1-باپتارىنىڭ جيىنتىعى بويىنشا سارالانادى.

بۇل قابىلدانعان شارالار ازاماتتاردىڭ قۇقىقتارىن قورعاۋدى كۇشەيتۋگە، جازانىڭ بۇلتارتپاۋىن قامتاماسىز ەتۋگە جانە قوعامدا جەكە بوستاندىققا قول سۇعۋشىلىقتارعا توزبەۋشىلىك مادەنيەتىن قالىپتاستىرۋعا باعىتتالعان.

ءوز كەزەگىندە پروكۋراتۋرا ورگاندارى زاڭدىلىقتىڭ ساقتالۋىن جانە ازاماتتاردىڭ قۇقىقتارىنىڭ قورعالۋىن قامتاماسىز ەتۋ بويىنشا جۇمىستى جالعاستىرۋدا.

قر باس پروكۋراتۋراسى

Abai.kz