قازاقستان رەسپۋبليكاسىنىڭ ونەركاسىپ جانە قۇرىلىس مينيسترلىگى ينتەرنەت جەلىسىندە تاراتىلىپ جاتقان «اۆتوجول+» اتاۋىمەن جەڭىلدەتىلگەن اۆتونەسيەلەۋدىڭ جاڭارتىلعان باعدارلاماسى جونىندەگى اقپارات شىندىققا سايكەس كەلمەيتىنىن حابارلايدى.

مينيسترلىك بۇل حابارلامادا كورسەتىلگەن شارتتارمەن (اۆتوكولىك قۇنىنىڭ 10%-دان 50%-عا دەيىنگى بولىگى سۋبسيديالانادى، جىلدىق 2%-دان باستالاتىن نەسيە مولشەرلەمەسى، باستاپقى جارنانىڭ بولماۋى جانە ت.ب.) باعدارلامانىڭ ىسكە قوسىلعانى جونىندە رەسمي مالىمدەمە جاساعان جوق.

اتالعان اقپاراتتىق ماتەريال جالعان بولىپ تابىلادى جانە الاياقتىق ماقساتتا جاسالعان بولۋى مۇمكىن.

مينيسترلىك ازاماتتاردى ساق بولۋعا, كۇماندى سىلتەمەلەرگە وتپەۋگە، جەكە دەرەكتەرىن تەكسەرىلمەگەن سايتتاردا ەنگىزبەۋگە, سونداي-اق تەك رەسمي دەرەككوزدەردە جاريالانعان اقپاراتقا سەنۋگە شاقىرادى.

ساق بولىڭىزدار، تەك رەسمي اقپاراتقا سەنىڭىزدەر!

قر ونەركاسىپ جانە قۇرىلىس مينيسترلىگى

Abai.kz