وكىنىشكە وراي بۇگىنگى رەسەيدە تەگى ورىس ءاربىر ازاماتتىڭ ساناسى يمپەرلىك دەرتپەن ۋلانعان. بۇل تۋرالى Mezgil.kz اقپاراتتىق پورتالى جازدى. 

اسىرەسە، پوست-كەڭەستىك كەڭىستىك ازاماتتارىن، سونىڭ ىشىندە وا-لىق ەڭبەك ميگرانتتارىن ەكىنشى سورتتى ادامدار ساناۋ قالىپتى ادەتكە اينالعانى جاسىرىن ەمەس.

مۇنىڭ ءبىر عانا سەبەبى بار. ول – «الەم رەسەيگە قارسى» دەگەن كەرەعار ساياسي ۇستانىمدى كرەمل بيلىگى جىلدار بويى رەسەيدەگى ورىستار مەن ورىس تىلدىلەردىڭ بويىنا جاقسىلاپ ءسىڭىرىپ كەلەدى. سونىڭ ناقتى مىسالى – جاقىندا الەۋمەتتىك جەلىدە كەڭ تاراعان «سەن – قۇلسىڭ» اتتى بەينەبايان.

بۇل ۆيدەو ماسكەۋ ماڭىنداعى حيمكي قالاسىندا تۇسىرىلگەن. «سولنەچنايا سيستەما» تۇرعىن ءۇي كەشەنىندە جەرگىلىكتى تۇرعىن سەرگەي دەگەن ورىس ازاماتى مەن ۇلتى وزبەك تاكسي جۇرگىزۋشىسى الىشەردىڭ اراسىندا داۋ شىعىپ، ونىڭ سوڭى اشىق اگرەسسياعا، ناسىلدىك قورلاۋعا ۇلاسقان.

وقيعادان نەدەن باستالعان دەسەڭىز: سەرگەي ءوز كولىگىنە ورىن تاپپاي، تاكسيستەن ورىن بوساتۋدى تالاپ ەتەدى. جۇرگىزۋشى وزبەك جىگىت «تاپسىرىس كۇتىپ تۇرعانىن» ايتقانىمەن، اڭگىمە بىردەن جانجالعا ۇلاسادى. اقىرى ورىس جىگىت اشۋعا بۋلىعىن، اۋىزىنان اق يت كىرىپ، كوك يت شىعادى. وزبەك جىگىتتى: «سەن – قۇلسىڭ، ورىستاردىڭ قۇلىسىڭ!» دەپ قورلايدى.

جەرگىلىكتى تۇرعىندار پوليتسيا كەلگەنشە سەرگەيدى قولداپ شىققان. ال تاكسيست الىشەر ەندى سول اۋماقتان تاپسىرىس قابىلداماۋعا ءماجبۇر.

وزبەكستاننىڭ سىرتقى ىستەر مينيسترلىگى «شەتەلدەگى ازاماتتاردى قورعاۋ مەملەكەتتىك ساياساتتىڭ ماڭىزدى باعىتى بولىپ تابىلاتىنىن جانە مەملەكەتتىڭ ءوز ازاماتتارى الدىنداعى مىندەتتەمەلەرى نەگىزىندە جۇزەگە اسىرىلاتىنىن» اتاپ ءوتتى.

«شەتەلدە ازاماتتاردىڭ قۇقىقتارى، بوستاندىقتارى، زاڭدى مۇددەلەرى نەمەسە قادiر-قاسيەتiنە نۇقسان كەلتiرiلسە، ولار دەرەۋ ءبىزدىڭ مەملەكەتتiڭ قۇزىرەتتi قۇقىق قورعاۋ ورگاندارىنا حابارلاسۋى قاجەت. سونىمەن قاتار، ازاماتتار وزبەكستاننىڭ ديپلوماتيالىق وكىلدىكتەرىنەن نەمەسە كونسۋلدىق مەكەمەلەرىنەن قۇقىقتىق جانە كونسۋلدىق كومەك سۇراي الادى. وزبەكستان ازاماتتارى ورنالاسقان جەرىنە قاراماستان ءوز ەلىنىڭ قورعاۋىندا»، - دەدى وزبەكستان ءسىم-ءى.

بۇل — رەسەي قوعامىنداعى ناعىز شىندىقتىڭ كورىنىسى: «سىرتتان كەلگەندەردى» باسىنۋ قالىپتى قۇبىلىس سانالادى. پۋتين رەجيمى ەلدى تولىقتاي فاشيستىك، ءناسىلشىل باعىتقا بۇرىپ جىبەردى. وزگەلەردى قۇل ساناۋ – ورىس ۇلتىنىڭ ارتىقشىلىعىن دارىپتەيتىن رەسمي يدەولوگيانىڭ سالدارى.

سوندىقتان «سەن – قۇلسىڭ» بەينەبايانى تەك ءبىر اۋلادا بولعان ۇرىس ەمەس، تۇتاس رەسەي قوعامىنداعى قاۋىپتى دەرتتىڭ دالەلى. بۇل دەرتتىڭ اتى – فاشيزم.

بۇل وقيعا ءبىر عانا الىشەردىڭ باسىنداعى جاعداي ەمەس. رەسەيدە جۇمىس ىستەپ جۇرگەن ميلليونداعان ورتالىق ازيالىق ەڭبەك ميگرانتتارىنىڭ كۇندەلىكتى كورىپ جۇرگەن بەينەتى. كوشەدە دە، جۇمىستا دا، تۇرمىستىق ورتادا دا ولاردى تومەندەتۋ قالىپتى جاعدايعا اينالعان.

ءبىز Mezgil.kzاقپاراتتىق پورتالىندا وسىعان دەيىن رەسەيدەگى وا-لىق ەڭبەك ميگرانتتارىنىڭ جاي-كۇيى تۋرالى جازعان ەدىك:

ءبىرىنشى ماقالا – وا رەسەيگە وكپەلى: ماسكەۋ مەن تاشكەنت اراسىنداعى ديپلوماتيالىق جانجال ۋشىقتى...

ەكىنشى ماقالا – سادىردىڭ حاتى ءھام ءپۋتيننىڭ جاۋابى: رەسەي وا ميگرانتتارىنا قۇلشا قارايدى...

Abai.kz