الماتىنىڭ ەكس-اكىمى ءارى بۇرىنعى «نۇر وتان» پارتياسى توراعاسىنىڭ ءبىرىنشى ورىنباسارى باۋىرجان بايبەك ساياساتتان كەتكەننەن كەيىن شەتەلدە بەلسەندى جۇمىس ىستەپ ءجۇر.

ساياسات پەن مەملەكەتتىك قىزمەتتەن قول ۇزگەن سوڭ، ەكى جىلدان استام ۋاقىت بىرىككەن اراب امىرلىكتەرىندە تۇرىپ، قازاقستانعا ينۆەستيتسيا تارتۋمەن اينالىسقان.

سوڭعى ءبىر جارىم جىلدان بەرى بايبەك جاپونيادا ەڭبەك ەتىپ جاتىر. ونىڭ قازىرگى مىندەتى جاپوندىق ينۆەستيتسيا مەن وزىق تەحنولوگيانى ەلىمىزگە تارتۋ ارقىلى يننوۆاتسيالىق جوبالاردى ىسكە اسىرۋ. سونىمەن قاتار، 2022 جىلدىڭ ناۋرىزىنان بەرى بايبەك ونلاين فورماتتا اقمولا وبلىسىندا جۇمىس ىستەيتىن «Qazaq Kaolin» كومپانياسىنىڭ كەڭەسشىسى قىزمەتىن اتقارادى.

اتالعان كومپانيا گەرمانيانىڭ زاماناۋي تەحنولوگياسىمەن كاولين وڭدەۋ ءوندىرىسىن جولعا قويماق. بۇل مالىمەتتەردى Nege.Aqsha پورتالىنا باۋىرجان بايبەكتىڭ اپكەسى ايگۇل بايبەك ەكسكليۋزيۆتى سۇحباتىندا ايتتى. ول سونداي-اق اعاسىنىڭ ساياساتتان مۇلدە شەتتەتىلگەنىن، سوندىقتان ءوزى باسقاراتىن «Aray Media Group» جشس بۋحگالتەرىنىڭ قۋدالانۋىنا قاتىسى جوق ەكەنىن جەتكىزدى.

Abai.kz