سەنات دەپۋتاتى گەننادي شيپوۆسكيح پارلامەنت پالاتالارىنىڭ بىرلەسكەن وتىرىسىنىڭ كۋلۋارىندا زاڭسىز ويىندار، لوتەرەيالار جانە ونلاين جارنامالار جاساپ جۇرگەندەرگە قاتىستى پىكىرىن ءبىلدىردى. 

الداعى بەيسەنبى كۇنى سەناتتا ماڭىزدى ماسەلەلەر قارالادى. سولاردىڭ ءبىرى – “ينفو-سىعاندارعا” قاتىستى ماسەلە، ياعني ءتۇرلى ۇتىستار مەن ويىندار ۇيىمداستىرىپ، ادامداردى الداپ جۇرگەن بلوگەرلەردىڭ ارەكەتى، – دەدى دەپۋتات. 

ونىڭ سوزىنشە، جاقىندا بەلگىلى ءبىر وتباسى ارنايى اۆتوكولىككە قاتىستى لوتەرەيا وتكىزگەن، وعان كوپ ادام قاتىسىپ، سەنىم ارتقان. 

الايدا سول ۇتىسقا قاتىسۋ ءۇشىن ادامدارعا مىندەتتى تۇردە ارنايى كۋرسقا جازىلۋ قاجەت بولعان. بۇل – زاڭسىز ارەكەت، – دەدى دەپۋتات. 

سونىمەن قاتار دەپۋتات تاعى ءبىر جاعدايعا نازار اۋداردى. بەلگىلى ءبىر تۇلعا ونلاين كازينو جارنامالاعانى ءۇشىن بەس رەت اكىمشىلىك ايىپپۇل العانىمەن، زاڭسىز جارناما جۇمىستارىن توقتاتپاعان. 

ول بەس رەت ايىپپۇل تولەپ، بىراق ءالى دە زاڭسىز ۇتىس ۇيىمداستىرۋ جانە جارنامالاۋ ارەكەتتەرىن جالعاستىرىپ جاتىر، – دەدى گەننادي شيپوۆسكيح. 

وسىعان بايلانىستى دەپۋتاتتار قارجىلىق مونيتورينگ اگەنتتىگىمەن بىرلەسىپ ءتيىستى شارالار قاراستىرماق. 

الداعى ۋاقىتتا زاڭعا سايكەس جاۋاپكەرشىلىك اكىمشىلىك جازادان قىلمىستىق جازاعا كۇشەيتىلەدى، – دەپ ايتتى دەپۋتات. 

Abai.kz