اقش پرەزيدەنتى دونالد ترامپ قازاقستانعا رەسمي ساپارمەن كەلۋى مۇمكىن ەكەنىن ايتىپ، پرەزيدەنت توقاەۆپەن «تاماشا اڭگىمە» وتكىزگەنىن جەتكىزدى.

«وعان سالەم ايتىڭىزدار. ول جاقسى ادام»، – دەپ اتاپ ءوتتى اقش باسشىسى.

1 تامىزدا اقش پرەزيدەنتى ترامپ 60-تان استام ەل مەن ەو-عا قاتىستى 15-تەن 41%-عا دەيىنگى كەدەندىك باج سالىعىن ەنگىزۋ تۋرالى جارلىققا قول قويدى.

قازاقستان ءۇشىن بۇل مولشەرلەمە 25% بولىپ بەكىتىلدى. سونان سوڭ ترامپ اتالعان شەشىمنىڭ سەبەبىن ءتۇسىندىرىپ، توقاەۆقا حات جولداعان.

پرەزيدەنت توقاەۆ ءوز جاۋابىندا مامىلەگە قول جەتكىزىلەتىنىنە سەنىم ءبىلدىردى. قازاقستاننىڭ ساۋدا مينيسترلىگى دە جاعدايدى رەتتەۋ ءۇشىن ۆاشينگتونعا ۇسىنىستار جولداعانىن حابارلادى. ۆەدومستۆو دەرەگىنشە، جاڭا تاريفتەر رەسپۋبليكادان اقش-قا ەكسپورتتالاتىن تاۋارلاردىڭ شامامەن 5%-ىن قامتيدى.

Abai.kz