.png)
ءماجىلىس دەپۋتاتى ءبىر پالاتالى پارلامەنت تۋرالى
بۇگىن مەملەكەت باسشىسى قاسىم-جومارت توقاەۆ قازاقستان حالقىنا «جاساندى ينتەللەكت داۋىرىندەگى قازاقستان: وزەكتى ماسەلەلەر جانە ونى تۇبەگەيلى تسيفرلىق وزگەرىستەر ارقىلى شەشۋ» اتتى جولداۋىن جاريالادى. پرەزيدەنت ەلىمىزدىڭ دامۋ باعىتىن ايقىندايتىن جاڭا ساياسي، ەكونوميكالىق جانە الەۋمەتتىك باستامالاردى ۇسىندى. سونىڭ ىشىندە قوعامدا كەڭىنەن تالقىلانىپ جاتقان ماسەلەلەردىڭ ءبىرى - قوس پالاتالى پارلامەنتتەن ءبىر پالاتالى جۇيەگە كوشۋ تۋرالى ۇسىنىس.
وسى ورايدا ءماجىلىس دەپۋتاتى ءادىل جۇبانوۆ ءوز كوزقاراسىن ورتاعا سالدى.
– پرەزيدەنت قاسىم-جومارت توقاەۆ بۇگىنگى جولداۋىندا ءبىر پالاتالى پارلامەنت قۇرۋ باستاماسىن كوتەردى. ءسىز بۇل ۇسىنىستى قالاي باعالايسىز؟
– 2023 جىلى ءماجىلىس سايلاۋىنا تۇسكەن ۋاقىتتا سايلاۋالدى باعدارلامامدا ەلگە ەكونوميكالىق جانە ساياسي رەفورمالار قاجەت، سونىڭ ىشىندە سەناتتى تاراتىپ، «ءبىر پالاتالى پارلامەنت جۇيەسىن قايتا ەنگىزۋ جانە ونىڭ ءرولىن كۇشەيتۋ» قاجەت ەكەنىن ايتقان بولاتىنمىن. سول كەزدە مۇمكىن ەمەستەي كورىنگەن رەفورما بولاتىن.
ءماجىلىس دەپۋتاتى بولعاننان باستاپ، وسى باعىتتاعى ۇسىنىسىمدى قازاقستان رەسپۋبليكاسى پرەزيدەنتىنە دە، ءماجىلىس توراعاسىنا دا ارنايى دەپۋتاتتىق جازبا رەتىندە ەنگىزگەن بولاتىنمىن.
بۇگىنگى تاڭدا قوس پالاتالى پارلامەنت جۇيەسى ءوزىنىڭ ارتىقشىلىعىنان گورى كەمشىلىگىن كوبىرەك كورسەتىپ وتىر. ماجىلىستە قابىلدانعان زاڭدار سەناتتا نەگىزىنەن تەحنيكالىق تۇزەتۋلەرمەن عانا قايتا قارالادى. بۇل – ۋاقىت جوعالتۋ، بيۋدجەتكە ارتىق سالماق جانە شەشىم قابىلداۋ پروتسەسىنىڭ سوزىلىپ كەتۋىنە اكەلدى.
بۇگىن پرەزيدەنت كەزەكتى جولداۋىندا قازاقستانعا ىقشام ءارى ءتيىمدى پارلامەنت قاجەت ەكەنىن ەسكەرىپ، ءبىر پالاتالى پارلامەنت قۇرۋ تۋرالى باستاما كوتەردى.
– بۇل شەشىم قازاقستاننىڭ ساياسي جۇيەسىنىڭ ودان ءارى دامۋى ءۇشىن نە سەبەپتى ماڭىزدى دەپ ويلايسىز؟
– ءبىر پالاتالى پارلامەنتكە كوشۋ:
زاڭ شىعارۋ جۇمىسىن جەدەلدەتەدى;
شىعىنداردى ازايتادى;
پارلامەنتتىڭ شىنايى ىقپالىن كۇشەيتەدى.
پرەزيدەنت قاسىم-جومارت توقاەۆ اتاپ وتكەندەي، «كۇشتى پرەزيدەنت – ىقپالدى پارلامەنت ەسەپ بەرەتىن ۇكىمەت» فورمۋلاسىنا جەتۋ ءۇشىن ساياسي جاڭعىرۋ قاجەت. ءبىر پالاتالى جۇيە وسى جولداعى ناقتى قادام.
بۇل تەك ۇنەمدەۋ ءۇشىن ەمەس. بۇل ەسەپ بەرۋشىلىكتى ارتتىرۋ، دەموكراتيالىق ينستيتۋتتاردى نىعايتۋ جانە ازاماتتاردىڭ سەنىمىن قالپىنا كەلتىرۋ ءۇشىن قاجەت رەفورما.
Abai.kz
