قازاقستاندا 780 مىڭ ادام ەڭ تومەنگى جالاقى – 85 مىڭ تەڭگە الىپ وتىر. بۇل تۋرالى ەڭبەك جانە حالىقتى الەۋمەتتىك قورعاۋ ءمينيسترى سۆەتلانا جاقىپوۆا ايتتى.

ءمينيستردىڭ سوزىنشە، ءىرى كاسىپورىنداردىڭ ءبىر بولىگى سالىقتان جالتارۋ ءۇشىن جالاقىنى «كونۆەرتپەن» بەرەدى. رەسمي ستاتيستيكا بويىنشا، 329 مىڭ قازاقستاندىقتىڭ تابىسى ءتىپتى 85 مىڭ تەڭگەدەن دە تومەن.

«جۇرگىزگەن تالداۋعا سايكەس 329 مىڭ ازامات 80 مىڭنان تومەن ايلىق الىپ وتىر. تالداۋدان نە بايقادىق؟ جۇمىس بەرۋشىلەر تەك كەلىسىمشارتپەن جۇمىسشىلاردى الىپ، بىرنەشە ساعات قانا جۇمىسقا تارتقان. 780 مىڭ ازامات 85 مىڭ تەڭگە ايلىق الىپ وتىر. بۇنىڭ ىشىندە بىرنەشە سانات بار. بىرىنشىدەن، ءىرى كاسىپورىندار سالىقتان جالتارۋ ءۇشىن اتاۋلى جارنالار، اتاۋلى تولەمدەرىن ازايتۋ ءۇشىن 85 مىڭ تەڭگەنى تولەپ، باسقاسىن كونۆەرتپەن بەرەدى. نەگىزى ەڭ تومەنگى جالاقىنى اۋىل شارۋاشىلىعى سالاسىنداعى ادامدار الىپ وتىر»، - دەدى مينيستر.

Abai.kz