قاراعاندىدا جاستار اراسىندا ناشاقورلىق پەن ەسىرتكى قىلمىسىنىڭ الدىن الۋ ماقساتىندا فرونت-كەڭسە جۇمىسىن باستادى. بۇل باستاما مەملەكەت باسشىسىنىڭ تاپسىرماسىمەن «سالاۋاتتى سانا» جوباسى اياسىندا جۇزەگە اسىرىلۋدا. جوبا اياسىندا لۋدومانيا، تۇرمىستىق زورلىق-زومبىلىق جانە ەسىرتكىگە تاۋەلدىلىك سىندى الەۋمەتتىك ماسەلەلەر قامتىلعان.

سۋرەت: gov.kz سايتىنان الىندى.

فرونت-كەڭسە وبلىستىق جاستار رەسۋرستىق ورتالىعىنىڭ بازاسىندا اشىلدى. مۇندا ناشاقورلىقپەن كۇرەسكە جانە دەنساۋلىققا جاۋاپكەرشىلىكپەن قاراۋدى قالىپتاستىرۋعا باعىتتالعان ترەنينگتەر، كەزدەسۋلەر، اكتسيالار مەن فورۋمدار ۇيىمداستىرىلادى.

سۋرەت: gov.kz سايتىنان الىندى.

جاڭا فرونت-كەڭسە قازاقستان حالقى اسسامبلەياسىنىڭ 30 جىلدىعىنا وراي وتكەن رەسپۋبليكالىق انالار كەڭەسىنىڭ سەمينارىندا تانىستىرىلدى.

سۋرەت: gov.kz سايتىنان الىندى.

— قاراعاندى وبلىسى ناشاقورلىق پروبلەمالارىن شەشۋدىڭ ورتالىعىنا اينالادى. مۇندا تۇرمىستىق زورلىق-زومبىلىق پەن ەسىرتكى قىلمىسىنا قاتىستى مامانداردى دايارلايتىن ءىىم اكادەمياسى، سونداي-اق ادامنىڭ قانىنداعى كەز كەلگەن ەسىرتكى زاتىن انىقتاي الاتىن بىرەگەي زەرتحاناسى بار مەديتسينا ۋنيۆەرسيتەتى جۇمىس ىستەيدى، — دەدى قحا رەسپۋبليكالىق انالار كەڭەسىنىڭ ءتورايىمى نازيپا شاناي.

سۋرەت: gov.kz سايتىنان الىندى.

ءوڭىر اكىمى ەرماعانبەت بولەكپاەۆ ناشاقورلىقپەن كۇرەس وتباسىنان جانە قوعامنان باستالاتىنىن اتاپ ءوتتى. ونىڭ ايتۋىنشا، ءتيىمدى پروفيلاكتيكا — بۇل رۋحاني دامۋ، سپورت، شىعارماشىلىق جانە جاستاردىڭ بەلسەندى قاتىسۋى. كەزدەسۋدىڭ باستى ماقساتى — ناشاقورلىققا قارسى ناقتى شارالاردى ازىرلەۋ.

— مەملەكەت باسشىسى قاۋىپسىزدىك كەڭەسىنىڭ وتىرىسىندا سويلەگەن سوزىندە ەسىرتكى — ۇلت دەنساۋلىعىنا تونگەن تىكەلەي قاۋىپ ەكەنىن ايتتى. بۇل دەرتپەن كۇرەس اۋرۋحانالاردا دا، سوتتاردا دا ەمەس، ەڭ الدىمەن وتباسىندا، مەكتەپتە، بالا تۇلعاسى قالىپتاساتىن ورتادا باستالادى. باستى قارۋ — جازا ەمەس، دۇرىس باعدار قالىپتاستىرۋ: رۋحاني دامۋ، سپورت، شىعارماشىلىق پەن مەيىرىم. وڭىردە فۋتبول اكادەمياسى سالىنۋدا، شاحمات قوزعالىسى دامىپ كەلەدى، «كىتاپ وقيتىن ۇلت»، «تۇلپار ءمىنىپ، تۋ العان» جوبالارى جۇزەگە اسىرىلۋدا، Community-ورتالىعى اشىلدى، گرانتتىق باعدارلامالار مەن «جاسىل ەل» قوزعالىسى جۇمىس ىستەيدى. مۇنىڭ ءبارى جاستارعا جاڭا مۇمكىندىكتەر اشىپ، ولاردىڭ ەل ءۇشىن ماڭىزدىلىعىن سەزىنۋگە كومەكتەسەدى، — دەدى ايماق باسشىسى.

سۋرەت: gov.kz سايتىنان الىندى.

قحا حاتشىلىعى مەڭگەرۋشىسىنىڭ ورىنباسارى اناستاسيا ششەگورتسوۆا ناشاقورلىقپەن كۇرەس تەك قۇقىق قورعاۋ ورگاندارىنىڭ مىندەتى عانا ەمەس، ول ۇلتتىق قۇندىلىقتاردى ساقتاۋ، وتباسىنى نىعايتۋ جانە جاستاردى تاربيەلەۋ ەكەنىن اتاپ ءوتتى.

سۋرەت: gov.kz سايتىنان الىندى.

قاراعاندى وبلىسى بويىنشا مەديتسينالىق جانە فارماتسەۆتيكالىق باقىلاۋ دەپارتامەنتىنىڭ باسشىسى ولگا سميرنوۆا ەڭ وتكىر ماسەلەلەردىڭ ءبىرى — دارىحانالىق ناشاقورلىق پەن ونى جويۋعا باعىتتالعان مەملەكەتتىك باقىلاۋ شارالارىن كوتەردى.

سۋرەت: gov.kz سايتىنان الىندى.

— دەنساۋلىق ساقتاۋ جۇيەسى ءۇشىن ەرەكشە سىن-تەگەۋرىن — رەتسەپت ارقىلى بەرىلەتىن دارىلەردىڭ ءدارىحانا جەلىسى ارقىلى قولجەتىمدىلىگى. ولاردى مەديتسينالىق ماقساتسىز پايدالانۋ حالىقتى جاسىرىن تۇردە ەسىرتكىگە تاۋەلدى ەتۋ نىساندارىنا اينالدى. ەڭ وسال توپ — جاسوسپىرىمدەر مەن جاستار. انالار كەڭەسىنىڭ باستاماسىمەن 2023 جىلعى ساۋىردەن باستاپ «ترامادول» ەسىرتكى قۇرالدارى تىزىمىنە ەنگىزىلدى. كەلەر جىلى شامادان تىس قولدانعان كەزدە قاتتى تاۋەلدىلىك تۋدىراتىن باسقا دا دارىلەردى سول تىزىمگە ەنگىزۋ جوسپارلانىپ وتىر، — دەدى ولگا سميرنوۆا.

سۋرەت: gov.kz سايتىنان الىندى.

بۇدان بولەك، قاراعاندى وبلىسىندا «جاسىل سەرتيفيكات» جوباسى ىسكە قوسىلدى. ول تاۋەلدىلىك تۋدىراتىن رەتسەپت ارقىلى بەرىلەتىن دارىلەردىڭ دارىگەردىڭ نۇسقاۋىنسىز ساتىلۋىنا قوعامدىق باقىلاۋدى قاراستىرادى.

سۋرەت: gov.kz سايتىنان الىندى.

سەمينارعا پرەزيدەنت اكىمشىلىگىنىڭ، باس پروكۋراتۋرانىڭ، ءىىم-ءنىڭ، دەنساۋلىق ساقتاۋ جانە وقۋ-اعارتۋ مينيسترلىكتەرىنىڭ وكىلدەرى، ءماجىلىس دەپۋتاتتارى، انالار كەڭەسىنىڭ مۇشەلەرى، ۇەۇ جانە ساراپشىلار قاتىستى.

سۋرەت: gov.kz سايتىنان الىندى.

جيىن قورىتىندىسىندا وبلىس اكىمى ءبىر اي ىشىندە ءۇش جىلعا ارنالعان ناشاقورلىقتىڭ الدىن الۋدىڭ جول كارتاسىن ازىرلەۋدى تاپسىردى. قاراعاندى وبلىسىنىڭ تاجىريبەسى الداعى ۋاقىتتا بۇكىل رەسپۋبليكاعا تاراتىلاتىن بولادى.

سۋرەت: gov.kz سايتىنان الىندى.

Abai.kz