قازاقستاندىق كاسىپكەر دانا قاراعۇcوۆا تاريحقا ەلىمىزدەن عارىشقا تۋريست رەتىندە ۇشقان العاشقى ايەل رەتىندە ەنبەك.

ول امەريكالىق Blue Origin كومپانياسىنىڭ New Shepard كەمەسىمەن جۇزەگە اساتىن 36-سۋبوربيتالىق ۇشۋعا قاتىسادى.

كومپانيانىڭ حابارلاۋىنشا، قاراعۇسوۆامەن بىرگە بورتتا كاسىپكەر دجەفف ەلگين، ينجەنەر كلينت كەللي III, ستارتاپتار نەگىزىن قالاۋشى اارون نيۋمان، ۋكراينالىق بيزنەسمەن ۆيتالي وستروۆسكي جانە اتى-ءجونىن قۇپيا قالدىرعان تاعى ءبىر جولاۋشى بولادى.

Instagram پاراقشاسىندا قاراعۇسوۆا بۇل ميسسيانىڭ ونىڭ ومىرىندەگى ەرەكشە ماڭىزىن اتاپ ءوتتى: «ادامزاتتىڭ بولاشاعى عارىشپەن تىعىز بايلانىستى. جاڭا كوكجيەكتەردى يگەرە وتىرىپ، ءبىز تەحنولوگيانى دامىتامىز ءارى ءوز مۇمكىندىكتەرىمىزدى كەڭەيتەمىز. مەن ءۇشىن Blue Origin-ءنىڭ NS-36 ميسسياسىنا قاتىسۋ – كوپ جىلدار بويى ارمانداپ، ەڭبەكتەنگەن جوبامنىڭ ءبىر بولىگى»، - دەپ جازدى ول.

Abai.kz