سوڭعى ۋاقىتتارى قازاقستان مەن رەسەي اراسىنداعى شەكارادا ميگراتسيالىق ماسەلە ۋشىعىپ، ونداعان جۇك كولىك جۇرگىزۋشىلەرى رەسەي اۋماعىنان دەپورتاتسيالانۋى مۇمكىن دەگەن ءسوز شىققان. بۇل قوعامدا الاڭداۋشىلىق تۋدىرعان.

قازاقستان ۇكىمەتى رەسەي ۇكىمەتىمەن كەلىسسوز جۇرگىزىپ، اتالعان ماسەلەنى جەدەل ءارى وڭدى شەشۋگە شەشىم قابىلداپتى. بۇل تۋرالى ءماجىلىس دەپۋتاتى بولاتبەك اليەۆ حابارلادى.

«جاڭىمدى جاڭالىعىم بار: ءبىز ءبىز مىڭداعان جۇمىس ورنى مەن جۇرگىزۋشىلەرىمىزدى قۇتقارىپ قالدىق. بىرنەشە كۇن بويى تىنىمسىز جۇمىس جاسالدى. ناتيجەسى جاقسى. قازاقستان ۇكىمەتى رەسەي فەدەراتسياسىنداعى ارىپتەستەرمەن كەلىسسوز جۇرگىزىپ، رەسەيدەگى جاڭا ميگراتسيالىق شەكتەۋ ەرەجەلەرىن جۇك كولىگى جۇرگىزۋشىلەرى مەن جولاۋشىلار تاسىمالداۋشى جۇرگىزۋشىلەرگە قولدانباۋعا كەلىستى»، - دەپ جازدى ءماجىلىس دەپۋتاتى.

بۇل دەگەنىڭىز:

* قازاقستاندىق تاسىمالداۋشىلارعا ەندى «90 كۇن بولۋ» ەرەجەسى قولدانىلمايدى;

* جاپپاي دەپورتاتسيا مەن ايىپپۇلدار تىيىلدى;

* ەڭ الدىمەن ءبىزدىڭ جۇرگىزۋشىلەر جۇمىس ىستەيتىن شاعىن اۆتوكولىك كومپانيالارىندا مىڭداعان جۇمىس ورىندارى ساقتالدى.

Abai.kz