جەتىسۋ وبلىسىندا بيكەن ريموۆا اتىنداعى دراما تەاترىندا قازاق ساحنا ونەرىندەگى جۇلدىزدى جۇپ قازاقستاننىڭ حالىق ءارتيسى الماحان كەنجەبەكوۆا مەن قازاقستاننىڭ ەڭبەك سىڭىرگەن قايراتكەرى كەندەباي تەمىربايۇلىنىڭ 75 جىلدىق مەرەيتويىنا ارنالعان "ونەردە – 50, ومىردە – 75» اتتى شىعارماشىلىق كەشى ءوتتى.

كەشكە وبلىس اكىمى بەيبىت يساباەۆ، سول سياقتىتۇڭعىشباي جامانقۇلوۆ، نۇرقانات جاقىپباي، داريعا تۇرانقۇلوۆالار باستاعان ونەردەگى ارىپتەستەرى، زيالى قاۋىم وكىلدەرى، ونەرسۇيەر جۇرتشىلىق قاتىستى.

الدىمەن قوناقتار تەاتر فويەسىنە قويىلعان ساحنا ساڭلاقتارىنىڭ شىعارماشىلىعىنا ارنالعان كورمەنى ارالادى. وندا ساحنالىق كيىمدەرى، سپەكتاكلدەردەگى رولدەرىنەن فوتوسۋرەتتەر، جالپى ونەرلەرىنە قاتىستى باسقا دا بۇيىمدار قويىلدى.

ساحنادا قۇتتىقتاۋ ءسوز سويلەگەن بەيبىت يساباەۆقازاق ونەرىنىڭ دامۋىنا ولشەۋسىز ۇلەس قوسقان قوس ساڭلاقتىڭ ءومىر جولى مەن شىعارماشىلىقتا ەڭبەگىن ەرەكشە اتاپ ءوتتى.

- ونەردە دە، ومىردە دە تاعدىر جولى توعىسقان ساحنا ساڭلاقتارى كوپ ەمەس. سول از شوعىردىڭ ىشىندە سىزدەردىڭ ەسىمدەرىڭىزدى ءبىز ءاردايىم قۇرمەتپەن اتايمىز.سىزدەردىڭ ءومىر جولدارىڭىزدى بيكەن ريموۆا اتىنداعى تەاتردان ءبولىپ قاراۋ مۇمكىن ەمەس. ەڭ العاش وسى تەاتردىڭ ىرگەتاسىن قالاسىپ، ساحنا شىمىلدىعىن اشقان، تابان اۋدارماي جارتى عاسىر بويى ونەرگە قىزمەت ەتىپ كەلە جاتقان سىزدەرگە جەتىسۋلىقتاردىڭ اتىنان ەرەكشە ريزاشىلىعىمدى بىلدىرەمىن، - دەدى بەيبىت يساباەۆ.

اباي اتىنداعى وپەرا جانە بالەت تەاترىنىڭ ونەرپازدارى، «يل-كانتو» كۆارتەتى، «قوڭىر» توبى اننەن شاشۋ شاشتى. جەتىسۋلىق ونەر ۇجىمدارى ارتىستەرىنىڭ ورىنداۋىندا الماحان نۇرپەيىسقىزىنىڭ ولەڭدەرى وقىلىپ، «دانەش اعا»، «فاريزا»، «قىزىما» سەكىلدى بىرقاتار اندەرى ورىندالدى. قوس اكتەر تۇسكەن «كوشپەندىلەر»، «ءبىر ۋىس بيداي» ت.ب فيلمدەردەن، ولار قاتىسقان تەلەحابارلاردان ۇزىندىلەر بەرىلدى.

- بۇگىنگى كەشتەن ەرەكشە اسەر الدىم. جالپى تەاتر قويىلىمدارىنىڭ تۇراقتى كورەرمەنىمىن. وسىنداي كەش وتەتىنىن الەۋمەتتىك جەلىدەن وقىپ ءبىلىپ، ارنايى كەلدىم. ءبىزدىڭ تەاتردىڭ بەلدى اكتەرلەرى، ابىز اقساقالى مەن ابىز اناسىنا اينالعان الماحان اپاي مەن كەندەباي اعانىڭ ونەر جولىنان تاعىلىمدى دۇنيەلەر الدىم دەپ ويلايمىن، - دەيدى كورەرمەن ءاليا مالعاجدار.

ەسكە سالساق، قوس اكتەر شولپان جانداربەكوۆانىڭ كلاسىن ءبىتىرىپ، العاشقى ەڭبەك جولىن جاڭا قۇرىلعان تالدىقورعان تەاترىندا باستاپ، ەلۋ جىل ساحناعا ادال قىزمەت ەتىپ كەلەدى. الماحان كەنجەبەكوۆا - قازاقستاننىڭ حالىق ءارتىسى، «پاراسات» جانە «قۇرمەت» وردەندەرىنىڭ يەسى، ۇماي سىيلىعىنىڭ يەگەرى، الماتى وبلىسىنىڭ قۇرمەتتى ازاماتى. ول مۇحتار اۋەزوۆتىڭ «اباي» دراماسىندا ايگەرىم، «حان كەنەسىندە» بوپاي، بەك توعىسباەۆتىڭ «اقىن سارا» پەساسىندا سارا، شىڭعىس ايتماتوۆتىڭ «ءجاميلا» قويىلىمىندا ءجاميلا ت.ب. كوپتەگەن رولدەردى سومدادى، سول سياقتى كوپتەگەن فيلمدەرگە ءتۇستى. ال كەندەباي تەمىربايۇلى - قازاقستاننىڭ ەڭبەك سىڭىرگەن قايراتكەرى، «پاراسات» وردەنىنىڭ يەگەرى. ول شىڭعىس حانان باستاپ ءاليحان بوكەيحانوۆقا دەيىن قانشاما حاندار مەن باتىرلاردىڭ، قايراتكەرلەر مەن اقىنداردىڭ، باسقا دا كەيىپكەرلەردىڭ وبرازىن ساحناعا الىپ شىقتى. تەاتر ۇجىمى وتكىزگەن بۇل مەرەيتويلىق شارانىڭ ماقساتى – ۇلتتىق ساحنا ونەرىنىڭ دامۋىنا زور ۇلەس قوسقان مايتالمان تۇلعالاردى دارىپتەۋ، ولاردىڭ باي شىعارماشىلىق مۇراسىن كەيىنگى ۇرپاققا ناسيحاتتاۋ جانە جاس اكتەرلەرگە ونەگە ەتۋ.

Abai.kz