اباي ۋنيۆەرسيتەتى – الەمدىك QS رەيتينگىندە «بەس جۇلدىز» ۇزدىك بەلگىسىنە يە بولدى

بۇگىن قازاقستان مەن ورتا ازياداعى پەداگوگيكالىق باعىتتاعى كوشباسشى اباي ۋنيۆەرسيتەتى QS Stars حالىقارالىق رەيتينگتىك جۇيەسى بويىنشا «بەس جۇلدىز» ۇزدىك بەلگىسىن يەلەنءىپ، ءوزىنىڭ پوزيتسياسىن ودان ارى نىقتاي ءتۇستى. بۇل مارتەبەلى ماراپات ەلىمىزدىڭ تۇڭعىش جوعارى وقۋ ورنىنا اكادەميالىق، عىلىمي-زەرتتەۋ، الەۋمەتتىك قىزمەت جانە ءتيىمدى باسقارۋ باعىتتارىنداعى جەتىستىكتەرى ءۇشىن تابىس ەتىلدى.

كورەيا رەسپۋبليكاسىنىڭ سەۋل قالاسىنداعى Korea ۋنيۆەرسيتەتىندە ازياداعى جوعارى ءبىلىم وردالارى ءۇشىن اسا الەۋەتتى «QS Higher Ed Summit: Asia Pacific – 2025» ءسامميتىنىڭ ءوتىپ جاتقانىنا بۇگىن ءۇشىنشى كۇن. وسى سالتاناتتى جيىن بارىسىندا اباي ۋنيۆەرسيتەتى QS Stars جۇيەسى بويىنشا «بەس جۇلدىز» ۇزدىك بەلگىسىن يەلەنىپ، قازاقستان جوعارى وقۋ ورىندارىنا ۇلكەن سەرپىلىس اكەلدى. بۇل مارتەبەلى اتاق – «5 Stars» ۇزدىك بەلگىسى ۋنيۆەرسيتەتتىڭ اكادەميالىق، عىلىمي-زەرتتەۋ، الەۋمەتتىك قىزمەت جانە ءتيىمدى باسقارۋ باعىتتارىنداعى جەتىستىكتەرى ءۇشىن بەرىلىپ وتىر.

سۋرەت: اباي اتىنداعى قازۇپۋ ءباسپاسوز قىزمەتىنەن الىندى.

QS Stars رەيتينگى – جوعارى وقۋ ورىندارىن وقىتۋ ساپاسى، عىلىمي زەرتتەۋ، تۇلەكتەردىڭ جۇمىسقا ورنالاسۋى، الەۋمەتتىك جاۋاپكەرشىلىك جانە باسقارۋ تيىمدىلىگى سياقتى نەگىزگى باعىتتار بويىنشا كەشەندى باعالايتىن حالىقارالىق جۇيە. بۇل باعالاۋ ءار ۋنيۆەرسيتەتتىڭ بىرەگەي ارتىقشىلىقتارىن ايقىنداپ، ولاردىڭ جاھاندىق ءبىلىم كەڭىستىگىندەگى ورنىن كورسەتەدى.

ماراپات سەۋل قالاسىندا وتكەن QS Stars Award Ceremony راسىمىندە اباي اتىنداعى قازۇپۋ باسقارما توراعاسى-رەكتور بولات تىلەپكە سالتاناتتى تۇردە تابىس ەتىلدى. وندا QS Stars جۇيەسى بويىنشا اۋديتتەن ءساتتى وتكەن جانە جوعارى ناتيجەلەرگە قول جەتكىزگەن ازيانىڭ ۇزدىك ۋنيۆەرسيتەتتەرى اتالدى.

– ۋنيۆەرسيتەتتىڭ كەشەندى اۋديتتەن ءوتۋى ءبىزدىڭ مىقتى جانە ءالسىز تۇستارىمىزدى ايقىنداۋعا ءارى دامۋ باعىتتارىمىزدى ناقتىلاۋعا مۇمكىندىك بەردى. ال «بەس جۇلدىز» رەيتينگى – حالىقارالىق دەڭگەيدە بۇكىل ۇجىمىمىزدىڭ جۇيەلى، ماقساتتى جانە قاجىرلى ەڭبەگىنىڭ مويىندالۋىنىڭ ايقىن دالەلى»، – دەدى رەكتور.

سۋرەت: اباي اتىنداعى قازۇپۋ ءباسپاسوز قىزمەتىنەن الىندى.

وسىلايشا، اباي ۋنيۆەرسيتەتى «بولاشاق جوعارى ءبىلىم» سامميتىندە جوعارى ناتيجەگە قول جەتكىزىپ، قازاقستاننىڭ جوعارى ءبىلىم سالاسىنىڭ ساپاسى مەن حالىقارالىق باسەكەگە قابىلەتتىلىگىن تاعى ءبىر مارتە دالەلدەدى.

ەستەرىڭىزگە سالا كەتەيىك، ءبىلىم بەرۋدەگى جاڭا تەحنولوگيالار، دەموگرافيالىق وزگەرىستەر جانە ازيا ۋنيۆەرسيتەتتەرىنىڭ تاجىريبەسى بيىلعى ءسامميتتىڭ باستى تاقىرىبىنا اينالدى. پانەلدىك سەسسيالاردا ستراتەگيالىق ىنتىماقتاستىق نەگىزى ترەند رەتىندە قارالدى. حالىقارالىق باسقوسۋ قازىرگى ۋنيۆەرسيتەتتەر ءۇشىن گەوگرافيالىق ورنالاسۋ نەمەسە ەلدىڭ ەكونوميكالىق دامۋ دەڭگەيى باستى نارسە ەمەس ەكەنى ايقىنداپ، عالامدىق اكادەميالىق قاۋىمداستىقتى بىرىكتىرەتىن ستراتەگيالىق ارىپتەستىك جەلىلەرى مەن ولاردى دامىتۋ ماڭىزدى ەكەنىن كورسەتتى.

اباي اتىنداعى قازۇپۋ ءباسپاسوز قىزمەتى

Abai.kz