الدىن الا مالىمەت بويىنشا، عارىش كەمەسىنىڭ كاپسۋلاسى عارىشتاعى قوقىسپەن سوقتىعىسىپ، زاقىمدانعان.  

قىتايدىڭ "شەنچجوۋ-20" ميسسياسىنا قاتىسىپ جاتقان ءۇش عارىشكەر وربيتاداعى اپات سالدارىنان جەرگە قايتا الماي قالعان، دەپ حابارلايدى inbusiness.kz سايتى.

قازىرگى ۋاقىتتا عارىشكەرلەر – چەن دۋن، چەن چجۋنجۋي جانە ۆان تسزە  قىتايدىڭ وربيتالىق "تيانگۋن" ستانتسياسىندا قالىپ وتىر. ولاردىڭ كەمەسىنە قاتىستى زاقىمنىڭ دەڭگەيىن انىقتاۋ جۇمىستارى جالعاسىپ جاتىر.

ەكيپاج بۇعان دەيىن عارىشتا 6 اي ۋاقىت وتكىزىپ، عىلىمي تاجىريبەلەر مەن اشىق عارىشقا شىعۋ جۇمىستارىن جۇرگىزگەن. ەندى ولار كولىك جۇيەسىندەگى اقاۋ جويىلعانعا دەيىن ستانتسيادا قالۋعا ماجبۇر.

Abai.kz