تالعار اۋداندىق سوتى اتىشۋلى ءىس بويىنشا ۇكىم شىعاردى.

تالعار اۋداندىق سوتى «حۋتور» بانداسىنىڭ باستىعى دەپە سيپاتتالعان حاسان قاسىمباەۆتى ادام ۇرلاۋ، اۋىر دەنە جاراقاتىن كەلتىرۋ جانە بوپسالاۋ ءىسى بويىنشا كىنالى دەپ تانىپ، 12 جىلعا ورتا قاۋىپسىزدىگى بار مەكەمەدە باس بوستاندىعىنان ايىرۋعا ۇكىم شىعاردى.

بۇل ءىس بويىنشا بارلىعى 6 ادام سوت الدىندا جاۋاپ بەردى. ولار: حاسان قاسىمباەۆ، رۋسلان اليەۆ، ماديار كاليمجانوۆ، سايلاۋ اكتانوۆ، نۇرمۇحامبەت سۇلتانبەكوۆ جانە دانيار اسكاروۆ. ولارعا دا سول سياقتى باپتار بويىنشا 8-دەن 22 جىلعا دەيىنگى مەرزىمگە سوت ۇكىمى شىقتى.

سوت سوڭىندا قاسىمباەۆ ءوزىن كىنالى دەپ سانامايتىنىنىن مالىمدەدى. الايدا سوت ونىڭ ءوتىنىشىن قابىلدامادى.

حاسان قاسىمباەۆتىڭ ەسىمى تالعارداعى شەرزات پولاتتىڭ ولىمىنەن كەيىن بەلگىلى بولدى. حاسان قاسىمباەۆ تالعاردا «حۋتور» توبىنىڭ باسشىسى دەپ اتالادى. الايدا بۇل توپتىڭ رەسمي تۇردە تىركەلگەنى نەمەسە بار ەكەنى دالەلدەنگەن جوق. قر ءىىم جانە پروكۋراتۋرا وكىلدەرى 2024 جىلى بۇل اقپاراتتى جوققا شىعارعان.

ءىس ماتەريالى بويىنشا، 2021 جىلى جازدا تالعاردا كۇدىكتىلەر ۇرىس ونەرى بويىنشا جاتتىقتىرۋشى ارمان الىموۆقا شابۋىل جاساپ، ونى كەندالا اۋىلىنىڭ شەتىنە اپارىپ، سوققىعا جىققان. قىلمىستىڭ سەبەبى – ءالىموۆتىڭ «قاسىمباەۆ مەن ءۇشىن اۆتوريتەت ەمەس» دەگەن ءسوزى دەپ كورسەتىلگەن. سونىمەن قاتار، قاسىمباەۆ كاسىپكەر ءارىپجان تاجيەۆتەن ءبىر ميلليون تەڭگە تالاپ ەتىپ، ونى سوققىعا جىققان.

Abai.kz