2025 جىلعى 14 قاراشا كۇنى جەتىسۋ اۋدانىنىڭ كوميۋنيتي-ورتالىعىندا «تازا قازاقستان» رەسپۋبليكالىق اكتسياسى اياسىندا «قاعاز boom» ەكولوگيالىق شاراسى ۇيىمداستىرىلدى.

شارانىڭ نەگىزگى ماقساتى – قوعامدا ەكولوگيالىق مادەنيەتتى دامىتۋ، قالدىقتاردى سۇرىپتاۋ داعدىلارىن قالىپتاستىرۋ جانە تۇرعىنداردىڭ ەكوسانا دەڭگەيىن ارتتىرۋ.

اكتسياعا اۋدان تۇرعىندارى، جاستار جانە ستۋدەنتتەر بەلسەندى قاتىسىپ، قاجەتسىز گازەت، جۋرنال، كارتون جانە كەڭسە قاعازدارىن تاپسىردى. ناتيجەسىندە شامامەن 2 تونناعا جۋىق ماكۋلاتۋرا جينالىپ، ارنايى قابىلداۋ پۋنكتىنە جونەلتىلدى.

«قورشاعان ورتانى قورعاۋ – بارشامىزعا ورتاق جاۋاپكەرشىلىك. بۇگىنگى «قاعاز boom» اكتسياسىنا تۇرعىنداردىڭ بەلسەندى قاتىسۋى ولاردىڭ ەكولوگيالىق مادەنيەتىنىڭ ارتىپ كەلە جاتقانىن كورسەتەدى. ءبىز الداعى ۋاقىتتا دا ەكولوگيالىق باستامالاردى دامىتىپ، جاستاردى تابيعاتتى ايالاۋعا باۋلۋدى جالعاستىرامىز»، – دەدى جەتىسۋ اۋدانى كوميۋنيتي ورتالىعىنىڭ جەتەكشىسى ەسەن ابديحالىق.

ۇيىمداستىرۋشىلاردىڭ ايتۋىنشا، مۇنداي ەكولوگيالىق شارالار الداعى ۋاقىتتا دا تۇراقتى تۇردە وتكىزىلىپ، تۇرعىنداردى تابيعاتتى قورعاۋ مادەنيەتىنە كەڭىنەن تارتۋعا مۇمكىندىك بەرەدى.
#تازاقازاقستان #ۋستويچيۆوەرازۆيتيە #چيستاياسترانا #ەكولوگيا #TazaChallenge @TazaQazaqstan

Abai.kz