قازاقستانعا ارمەنيا پرەمەر-ءمينيسترى نيكول پاشينيان كەلەدى. بۇل تۋرالى اقوردانىڭ ءباسپاسوز قىزمەتى حابارلادى.

«پرەزيدەنت قاسىم-جومارت توقاەۆتىڭ شاقىرۋىمەن ارمەنيا پرەمەر-ءمينيسترى نيكول پاشينيان 20-21 قاراشا كۇندەرى استاناعا رەسمي ساپارمەن كەلەدى. ساپار باعدارلاماسى اياسىندا ەكى ەل دەلەگاتسيالارىنىڭ قاتىسۋىمەن كەلىسسوزدەر ءوتىپ، قازاقستان مەن ارمەنيا اراسىنداعى ءوزارا ءتيىمدى ىنتىماقتاستىقتى نىعايتۋ پەرسپەكتيۆاسى تالقىلانادى»، - دەلىنگەن حابارلامادا.

ارمەنيا پرەمەر-ءمينيسترى نيكول پاشينيان مەن ازەربايجان پرەزيدەنتى يلحام اليەۆ اقش-تىڭ اراعايىندىعىمەن اق ۇيدە بەيبىت كەلىسىمگە قول قويدى. قۇجاتتا قاقتىعىستى تولىق توقتاتۋ، ديپلوماتيالىق قاتىناستاردى قالپىنا كەلتىرۋ، ازەربايجان مەن ناحيچەۆاندى ارمەنيا اۋماعى ارقىلى جالعايتىن كولىك ءدالىزىن اشۋ (اقش كونسورتسيۋمىنىڭ باقىلاۋىندا), ەقىۇ-نىڭ مينسك توبىن تاراتۋ جانە اقش-تىڭ باكۋمەن اسكەري ىنتىماقتاستىققا قويىلعان شەكتەۋلەردى الىپ تاستاۋ قاراستىرىلعان.

Abai.kz