اقتاۋدا امبەباپ قۇتقارۋ بولىمشەسى اشىلدى. سالتاناتتى ءىس-شاراعا قر تج ءمينيسترى گەنەرال-لەيتەنانت شىڭعىس ءارىنوۆ، ماڭعىستاۋ وبلىسىنىڭ اكىمى نۇرداۋلەت قيلىباي جانە ازاماتتىق قورعاۋ ورگاندارىنىڭ ارداگەرلەرى قاتىستى.

«ءبىز زاماناۋي تاسىلدەردى قولدانامىز. مۇنداي نىساندار ءارتۇرلى وڭىرلەردە سالىنۋدا. جاڭا دەپو نەبارى 2,5 ايدا سالىندى. بيىل ماڭعىستاۋ وبلىسىندا تاعى ءبىر دەپو مەن جەتى ءورت ءسوندىرۋ بەكەتىنىڭ قۇرىلىسىن اياقتايمىز»، — دەدى شىڭعىس ءارىنوۆ.

ءىس-شارا بارىسىندا مينيستر ءورت-قۇتقارۋ تەحنيكاسىنىڭ كىلتتەرىن تابىستاپ، ءبولىم باستىعىنا سيمۆوليكالىق كىلتتى تاپسىردى، بۇل بولىمشەنىڭ پايدالانۋعا بەرىلگەنىن بىلدىرەدى.

(سۋرەت:https://www.gov.kz/)

جاڭا دەپو جەرگىلىكتى اتقارۋشى ورگانداردىڭ قاراجاتى ەسەبىنەن سالىندى. عيماراتتا جەكە قۇرامعا ارنالعان ءۇي-جايلار، وقۋ سىنىپتارى، اسحانا، جابدىق ساقتاۋ ايماقتارى مەن تەحنيكاعا ارنالعان بوكس، سونداي-اق «Batyr team» workout الاڭى قاراستىرىلعان. بولىمشە جالپى سانى شامامەن 40 مىڭ ادام تۇراتىن  اقتاۋدىڭ تومەنگى، پريمورسكي شاعىن اۋداندارىنا، ومىرزاق اۋىلىنا، ونەركاسىپتىك ايماقتار مەن جاعالاۋداعى اۋماقتارعا  قىزمەت كورسەتەتىن بولادى.

ءورت سوندىرۋشىلەرمەن قاتار مۇندا قۇتقارۋشىلار دا قىزمەت اتقاراتىنىن اتاپ وتكەن ماڭىزدى، بۇل ءتۇرلى توتەنشە جاعدايلارعا جىلدام دەن قويۋ مۇمكىندىگىن قامتاماسىز ەتەتىن بولادى.

Abai.kz