بۇل تۋرالى كولىك ۆيتسە-ءمينيسترى ماقسات قالياقپاروۆ مالىمدەدى.  

ءجيى اپات بولاتىن ۋچاسكەلەردە جىلدامدىق تومەندەتىلىپ، جاڭا جول بەلگىلەرى قويىلعان.

"ەڭ اپاتتى ۋچاسكەلەر انىقتالدى. قازىر بۇل جولداردا جىلدامدىقتى تومەندەتۋ، قاجەتتى بەلگىلەردى ورناتۋ بويىنشا جۇيەلى جۇمىس جۇرگىزىلىپ جاتىر. اتالعان شارالار جالعاسادى", – دەدى ماقسات قالياقپاروۆ ۇكىمەتتەگى ءباسپاسوز ءماسليحاتىندا.

ۆيتسە-ءمينيستردىڭ ايتۋىنشا، جاقىندا اقتوبە وبلىسىنداعى قاۋىپتى جولدىڭ ءبىر بولىگى جوندەلگەن، وسىدان كەيىن ول جەردە بىردە-ءبىر جول اپاتى تىركەلمەگەن.

"اقتوبە وبلىسىندا بىرنەشە اپاتتى قاۋىپتى ۋچاسكە بار. سونىڭ بىرىندە جۋىردا ءتيىستى شارالار قابىلداندى جانە راسىمەن وزگەرىستەر ەنگىزىلگەننەن كەيىن بىردە-ءبىر جول اپاتى بولعان جوق. قازاقستان بويىنشا مۇنداي ۋچاسكەلەر ەلۋگە جۋىق. بارلىق وڭىردە جۇمىستار ءجۇرىپ جاتىر، جول بەلگىلەرى ورناتىپ، ەرەكشە باقىلاۋ كۇشەيتىلۋدە. مۇنى ءىىم مەن تجم قىزمەتتەرىمەن بىرلەسىپ ىستەپ جاتىرمىز", – دەپ مالىمدەدى ماقسات قالياقپاروۆ.

Abai.kz