1 قازانداعى جاعدايعا سايكەس، وزبەكستاننىڭ مەملەكەتتىك قارىزى 43,9 ملرد دوللارعا تەڭەلدى، دەپ حابارلايدى Kazinform اگەنتتىگىنىڭ مەنشىكتى ءتىلشىسى.

قارجى جانە ەكونوميكا مينيسترلىگىنىڭ مالىمەتىنشە، جىل باسىنان بەرى بەرەشەك سوماسى 3,75 ملرد دوللارعا كوبەيدى. قارىزدىڭ ءوسۋ قارقىنى ءۇشىنشى توقساندا باياۋلادى. اتالعان كەزەڭدە حالىقارالىق قارجى ۇيىمدارىنان 473 ملن دوللار نەسيە الىنعان.

جالپى جىل باسىنان بەرى ەڭ جوعارى كورسەتكىش ءبىرىنشى توقساندا تىركەلگەن. ياعني، قاڭتار-ناۋرىز ارالىعىندا مەملەكەتتىك قارىز بىردەن 2,38 ملرد دوللارعا ءوستى.

وسىلايشا، بەرەشەكتىڭ ىشكى جالپى ونىمدەگى ۇلەسى 35%-دان 32,3%-عا دەيىن تومەندەدى.

بۇعان دەيىن حابارلاعانىمىزداي، رەسمي تاشكەنت كولەڭكەلى ەكونوميكانىڭ ىشكى جالپى ونىمدەگى ۇلەسىن 29%-عا دەيىن تومەندەتۋگە نيەتتى.

ەسكە سالساق، بۇگىندە وزبەكستان ەكونوميكاسىنىڭ 8,3 ملرد دوللاردان اسا قاراجاتى كولەڭكەدە قالىپ وتىر.

Abai.kz