جول قوزعالىسىنا قاتىسۋشىلاردىڭ قاۋىپسىزدىگىن قامتاماسىز ەتۋ ماقساتىندا ەندى ەلەكتروساموكاتتاردى تىركەۋ، ولاردى جولدا تەك جۇرگىزۋشى كۋالىگى بولعان جاعدايدا عانا پايدالانۋ، سونداي-اق ساقتاندىرۋدىڭ بولۋى مىندەتتەلەدى.

بۇگىن سەناتتا قۇقىق بۇزۋشىلىقتاردىڭ الدىن الۋ تۋرالى زاڭ قارالۋدا. سەناتور مارات قوجاەۆتىڭ پىكىرىنشە، بۇل شارالار تەك قۇقىق بۇزۋشىلىقتارعا جاۋاپ قايتارۋعا ەمەس، قاۋىپ-قاتەرلەردىڭ الدىن الۋعا باعىتتالعان كەشەندى پروفيلاكتيكالىق جۇيەنىڭ ءبىر بولىگى بولىپ سانالادى.

«ەلەكتروساموكات يەلەرىنىڭ ازاماتتىق-قۇقىقتىق جاۋاپكەرشىلىگىن مىندەتتى ساقتاندىرۋ ەنگىزىلەدى. مۇنداي يەلەر رەتىندە ەلەكتروساموكاتتاردى جالعا بەرەتىن زاڭدى تۇلعالار مەن جەكە كاسىپكەرلەر تانىلادى. سونىمەن قاتار ىشكى ىستەر مينيسترلىگى بەلگىلەيتىن تارتىپكە سايكەس ەلەكتروساموكاتتاردى ەسەپكە الىپ، ولارعا تىركەۋ نومىرلەرىن بەرۋ مىندەتى جۇكتەلەدى», - دەپ اتاپ ءوتتى مارات قوجاەۆ.

Abai.kz