ماۋلەن اشىمباەۆقا ۇسىنىس...
قازاقستان رەسپۋبليكاسى
پارلامەنتى سەناتىنىڭ
توراعاسى م.س. اشىمباەۆقا!
قۇرمەتتى ماۋلەن ساعاتقانۇلى!
سوڭعى كەزدە ءسىز جۇرگىزەتىن Taldau Talks پودكاسىنىڭ ار شىعارىلىمى جۇرتتىڭ نازارىن ەرەكشە اۋدارا باستاعانىن كورىپ، ءبىلىپ وتىرمىن.
سونداي-اق: «قازاقستاندا مەملەكەتتىك بيۋدجەتتەن تىس، جۇزدەگەن ميللياردتاعان تەڭگە اينالاتىن – «ۇكىمەتتىڭ ەكىنشى ءاميانى» دەپ اتالاتىن پاراللەل قارجىلىق جۇيە بار»، - دەگەن ءسوزىڭىزدى بۇرىن-سوڭدى بولماعان ۇلكەن وقيعا رەتىندە قابىلدادىق.
ءسىز ايتىپ وتىرعان «پاراللەل قارجىلىق جۇيە» – مەن مەن كوتەرىپ كەلە جاتقان «قازاقستان – ۋزۋرپاتسيالانعان مەملەكەت!» اتتى تاقىرىپتىڭ تامىرى ءبىر ەكەنىن بايقادىم...
قۇرمەتتى ماۋلەن ساعاتقانۇلى!
ءبىزدىڭ ەلىمىزدە ەشقانداي اقتاۋعا كەلمەيتىن ءبىر شىندىق بار.
ول – قازاقستاننىڭ قۇلىباەۆتار جاعىنان ۋزۋرپاتسيالانعان مەملەكەت ەكەندىگى!
مىنە، ءوزىڭىز دە كورىپ وتىرسىز، 2022 جىلى جاسالعان كونستيتۋتسيالىق رەفورما قازاقستاندى قۇلىباەۆتاردىڭ سول ۋزۋرپاتسياسىنان الىپ شىعا العان جوق.
مەملەكەتىمىزدىڭ تاعدىرىن، پرەزيدەنتىمىز قاسىم-جومارت توقاەۆتىڭ بۇگىنگى ساياسي بەدەلى مەن ەرتەڭگى تاريحي ورنىن ويلاساق، ەندى سول ۋزۋرپاتسيانى اشىق مويىندايتىن جانە ودان قۇتىلاتىن ۋاقىت كەلدى!
سوندىقتان، سىزدەن مەنى جانە ءوزىڭىز قالاعان وزگە دە تۇلعالاردى قاتىستىرا وتىرىپ، Taldau Talks پودكاسىنىڭ كەلەسى ءبىر شىعارىلىمىن «قازاقستان – ۋزۋرپاتسيالانعان مەملەكەت!» اتتى وسى تاقىرىپتى تالقىلاۋعا ارناۋىڭىزدى سۇرايمىن.
ەسكەرتۋ:
- «قازاقستان – ۋزۋرپاتسيالانعان مەملەكەت!» جانە «بۇل – ۋزرۋپاتسيانىڭ جاڭا فورماسى!» اتتى ماقالامنىڭ كوشىرمەسى قوسا تىركەلدى;
- اتالعان «قازاقستان – ۋزۋرپاتسيالانعان مەملەكەت!» ماسەلەسى تاياۋدا ءماجىلىستىڭ زاڭناما جانە سوت-قۇقىقتىق رەفورما كوميتەتىنىڭ تالقىلاۋىنان ءوتىپ، ۇكىمەتكە جولداندى...
قۇرمەتپەن،
اۋىت مۇقيبەك،
«قۇرمەت» وردەنىنىڭ يەگەرى
Abai.kz
