ۇلتتىق قاۋىپسىزدىك كوميتەتى 2025 جىلعى سىبايلاس جەمقورلىقپەن كۇرەستىڭ ناتيجەلەرىن قورىتىندىلادى. 

ۇقك ءباسپاسوز قىزمەتى ءمالىم ەتكەندەي، سىبايلاس جەمقورلىق فاكتىلەرى تۋرالى حابارلاعانى ءۇشىن 61 ادامعا 24,2 ملن تەڭگە سوماسىندا سىياقى بەرىلگەن. 

2025 جىلى 895 ادامنىڭ زاڭسىز ارەكەتىنىڭ جولى كەسىلدى. 1 052 قىلمىستىق ءىس قوزعالىپ، 969-ىنا قاتىستى تەرگەۋ اياقتالدى، ونىڭ 860-ى سوتقا جولداندى. سىبايلاس جەمقورلىق فاكتىلەرىنىڭ باسىم بولىگى پارا الۋ جانە بيۋدجەت قاراجاتىن ۇرلاۋ سياقتى قىلمىستارعا قاتىستى. ەل بيۋدجەتىنە 16,1 ملرد تەڭگە قايتارىلدى. قۇنى 3,3 ملرد تەڭگە بولاتىن مۇلىككە تىيىم سالىندى. بۇل باعىتتاعى جۇمىستار جالعاسۋدا، - دەلىنگەن كوميتەتتىڭ حابارلاماسىندا. 

ايتا كەتەيىك، سىبايلاس جەمقورلىق فاكتىلەرى تۋرالى حابارلايتىن نەمەسە ونىڭ انىقتالۋىنا كومەكتەسەتىن ازاماتتار، ەگەر كىنالى تۇلعاعا قاتىستى سوت شەشىمى نەمەسە ايىپتاۋ ۇكىمى كۇشىنە ەنسە، بىرجولعى اقشالاي سىياقى الا الادى.

سىياقىنىڭ مولشەرى كەلتىرىلگەن زياننىڭ 10 پايىزىنا دەيىن بولۋى مۇمكىن. بىراق 4 مىڭ اەك-تەن اسپايدى (1 اەك — 4 325 تەڭگە، 2026 جىل).

وسىلايشا، سىبايلاس جەمقورلىق قۇقىق بۇزۋشىلىقتارى تۋرالى ءدال اقپارات ءۇشىن 17,3 ميلليون تەڭگەگە دەيىن سىياقى الۋ مۇمكىندىگى بار.

سونىمەن قاتار، سىبايلاس جەمقورلىق تۋرالى حابارلاعان ازاماتتار قورعالعان. ولار تۋرالى اقپاراتتى جاريا ەتۋ قىلمىستىق جاۋاپكەرشىلىككە اكەلەدى.

سىبايلاس جەمقورلىق فاكتىسى تۋرالى كەز كەلگەن ازامات ۇقك-نىڭ سىبايلاس جەمقورلىققا قارسى قىزمەتىنىڭ 1424 ءنومىرلى call-ورتالىعىنا حابارلاي الادى.

Abai.kz