ەاەو شەڭبەرىندە قازاقستاننىڭ ۇلتتىق مۇددەسىن قورعاۋ جونىندە ۇكىمەت وتىرىسى ءوتتى. 

بۇل تۋرالى پرەمەر-ءمينيستردىڭ ورىنباسارى – ۇلتتىق ەكونوميكا ءمينيسترى سەرىك جۇمانعارين ايتتى.

"ەۋرازيالىق ەكونوميكالىق وداق شەڭبەرىندە وسى جىلعا جانە كەيىنگى جىلدارعا ارنالعان جۇمىستىڭ نەگىزگى باعدارلارى – مەملەكەت باسشىسى قويعان باسىمدىقتار مەن مىندەتتەردى پراكتيكالىق ىسكە اسىرۋ، ونىڭ ىشىندە ەۋرازيالىق ەكونوميكالىق وداقتىڭ جالپى نارىعىندا قازاقستاندىق تاۋارلاردى ىلگەرىلەتۋ جولىنداعى كەدەرگىلەردى انىقتاۋ جانە جويۋ. ەۋرازيالىق ەكونوميكالىق وداق شەڭبەرىندە مەملەكەتتىك قولداۋ شارالارى ۇلتتىق دەڭگەيدە ءاربىر ەل قولداناتىن مەملەكەتتىك قولداۋ شارالارىنىڭ كولەمى كەلىسىلگەن ماندەردەن اسپاۋعا ءتيىس ەكەندىگى تۋرالى كەلىسىمگە قول جەتكىزىلدى", – دەدى سەرىك جۇمانعارين. 

ۆيتسە-پرەمەردىڭ سوزىنشە، ەۋرازيالىق ەكونوميكالىق وداق شەڭبەرىندە قازاقستاننىڭ ۇلتتىق مۇددەلەرىن قورعاۋ جانە ىلگەرىلەتۋ، سونداي-اق تەڭگەرىمدى ساۋدا ساياساتىن جۇرگىزۋدى قامتاماسىز ەتۋ جونىندەگى جۇمىس جالعاستىرىلادى.

Abai.kz