ۇكىمەت وتىرىسىندا پرەمەر-مينيستر ولجاس بەكتەنوۆ پرەزيدەنتتىڭ ۇلتتىق قۇرىلتايدا سولتۇستىك ارال تەڭىزىن ساقتاۋ جانە حالىقارالىق سۋ ىنتىماقتاستىعىن دامىتۋدى ودان ءارى ىلگەرىلەتۋ شارالارىنا قاتىستى العا قويعان مىندەتتەرىنە ەرەكشە توقتالدى.

— ارال تەڭىزىنىڭ ماسەلەلەرى مەملەكەت باسشىسىنىڭ تۇراقتى نازارىندا. سۋ رەسۋرستارى مينيسترلىگى وسى جىلدىڭ 30 ماۋسىمىنا دەيىن سولتۇستىك ارال تەڭىزىن ساقتاۋدىڭ ەكىنشى كەزەڭىن دايىنداۋدى اياقتاپ، جىل سوڭىنا دەيىن قارجىلاندىرۋ ماسەلەسىن، ونىڭ ىشىندە حالىقارالىق ۇيىمدار ەسەبىنەن قارجىلاندىرۋدى شەشۋى قاجەت. مەملەكەت باسشىسىنىڭ بىرىككەن ۇلتتار ۇيىمىنىڭ الاڭىندا حالىقارالىق سۋ ۇيىمىن قۇرۋعا قاتىستى باستاماسىن ودان ءارى ىلگەرىلەتۋ جونىندە شارالار قابىلداۋ قاجەت. سۋ رەسۋرستارى مينيسترلىگى ەنەرگەتيكا مينيسترلىگىمەن بىرلەسىپ، بيىل قازاقستاننىڭ سۋ-ەنەرگەتيكالىق رەسۋرستارى كارتاسىن ازىرلەسىن، — دەپ اتاپ ءوتتى ولجاس بەكتەنوۆ.

Abai.kz