كونستيتۋتسيالىق رەفورما جونىندەگى كوميسسيانىڭ ءۇشىنشى وتىرىسىندا ماگەررام ماگەرراموۆ قازاقستان حالىق پارتياسىنىڭ پرەزيدەنت قاسىم-جومارت توقاەۆتىڭ ۇسىنىستارىن تالقىلاۋعا بەلسەندى قاتىسىپ جاتقانىن جانە اتا زاڭعا وزگەرىستەر ەنگىزۋ تاريحي ماڭىزدى پروتسەسس دەپ سانايتىنىن اتاپ ءوتتى.

ول ەلدى جاڭارتۋدىڭ نەگىزگى ەلەمەنتتەرىنىڭ ءبىرى – پروپورتسيونالدى نەگىزدە قۇرىلاتىن ءبىر پالاتالى پارلامەنت قۇرۋ جونىندەگى ۇسىنىس ەكەنىن ايتتى. پارتيانىڭ پىكىرىنشە، بۇل ۇسىنىس ساياسي ديسكۋسسيانى جانداندىرىپ، پارتيالاردىڭ مەملەكەتتىك ساياساتقا اسەرىن كۇشەيتۋگە مۇمكىندىك بەرەدى.

«ءبىر پالاتالى پارلامەنتتە پروپورتسيونالدى سايلاۋ جۇيەسى – بۇل، ءسوزسىز، ساياسي پارتيالاردى نىعايتۋ، ولاردىڭ مەملەكەتتىك ساياساتقا ىقپالىن ارتتىرۋ. كوپپارتيالىق وكىلدىك – وكىلدىك دەموكراتيانىڭ كورسەتكىشى جانە ساياسي جۇيەنىڭ تۇراقتىلىعىنىڭ نەگىزى»، — دەدى ماگەرراموۆ.

ول سونداي-اق جاڭا پارلامەنتتىك جۇيە زاڭ شىعارۋشى ورگاننىڭ ىقپالىن كۇشەيتەتىنىن جانە ساياسي جۇيەنىڭ تۇراقتىلىعىن قامتاماسىز ەتەتىنىن، ال «زاڭ مەن ءتارتىپ» قاعيداتىن كونستيتۋتسيادا بەكىتۋ ازاماتتاردىڭ قۇقىقتارى مەن مىندەتتەرىنىڭ تەڭگەرىمدى ۇيلەسىمىن قالىپتاستىراتىنىن اتاپ ءوتتى.

«زاڭ ءتارتىپسىز كۇشىن جوعالتادى، ال زاڭسىز ءتارتىپ وزبىرلىققا اينالادى. سوندىقتان «زاڭ مەن ءتارتىپ» – ادىلەتتى قوعامنىڭ اجىراماس قۇرامداس بولىكتەرى جانە ازاماتتاردىڭ قاۋىپسىزدىگى مەن ەركىندىگىنىڭ كەپىلى»، — دەپ قوستى ول.

ءسوزىنىڭ سوڭىندا ماگەرراموۆ كونستيتۋتسياعا ەنگىزىلەتىن ۇسىنىلعان وزگەرىستەر ءتيىمدى پارلامەنت قۇرۋعا مۇمكىندىك بەرەتىنىن جانە قوعامدىق دامۋدىڭ نەگىزگى فاكتورى بولاتىنىنا سەنىم ءبىلدىردى.

Abai.kz