ءبىرىنشى تارماق بويىنشا وپاسىزدىقتان باسقاسىن دەپ جازىلىپ تۇر. مىسالى، وپاسىزدىق جاساۋدى قوسپاعاندا دەپ  تۇر عوي. سوندىقتان پرەزيدەنت مەملەكەتتىك بيلىكتە ءبىرىنشى ادام بولعاننان كەيىن ونىڭ يممۋنيتەتى بولۋ كەرەك. ەگەر دە ءبىر دالەلدەنگەن اۋىر قىلمىسى بولماسا، مەنىڭ ويىمشا، ول كىسىنىڭ يممۋنيتەتى بولۋ كەرەك. پرەزيدەنت تۇگىلى، ەلشىنىڭ，دەپۋتاتتىڭ، سەناتورلاردىڭ يممۋنيتەتتەرى بار. سوندىقتان دا مەنىڭ ويىمشا، پرەزيدەنتتىڭ وسىنداي يممۋنيتەتى بولۋى زاڭدىلىق. بيلىكتەگى كەزىندە ءبىر باسقا، ال مەرزىمنەن كەيىن، ارينە، ونداي ءبىر سۇراقتار پايدا بولىپ جاتسا، ونى مۇمكىن كوتەرۋگە بولادى دەپ ەسەپتەيمىن. ونىڭ ۇستىنە تەك قانا دالەل بولسا، فاكت بولسا عانا. ال ەندى بىرەۋدىڭ ايتقان ءبىر داقپىرت ءسوز، وسەك-اياڭىنا سەنۋگە بولماس.

ەندى ەكىنشى، ءۇشىنشى تارماققا كەلەتىن بولساق، مەنىڭ ويىمشا، بۇل جەردە پرەزيدەنتتىڭ نەمەسە پرەزيدەنت بولعان ەكس-پرەزيدەنتتىڭ تۇلعاسىنا  دەگەن سىيلاستىق، ياعني ادام مەملەكەت ءۇشىن جۇمىس ىستەدى، مەملەكەت ءۇشىن ءوزىنىڭ كۇشىن بەردى. سوندىقتان دا ول ەلىكتىرمەسە، ايىندى ءبيزنيسى  بولعان جوق، بۇكىل ءومىرىن مەملەكەت ءۇشىن ارنادى. سوندىقتان دا ول كىسى، مىسالى، جۇمىستان كەتىپ قالعاننان كەيىن نەمەسە جۇمىس ىستەپ جۇرگەندە ونىڭ ماتەريالدىق قاجەتتىلىگىن، مەنىڭ ويىمشا، مەملەكەت جاۋىپ بەرۋ كەرەك دەپ ەسەپتەيمىن. قالاي ايتقانمەن، ءبىرىنشى، ەكىنشى، ءۇشىنشى، ءتورتىنشى، بەسىنشى پرەزيدەنتتەر، كەز-كەلگەن پرەزيدەنت ول مەملەكەتتىڭ ايناسى، مەملەكەتتىڭ جارناماسى. ول كىسىلەرگە قاراپ ءبىز تۋرالى پىكىر قالىپتاستىرادى. مىسالى،  كەيدە ولاردى سىناۋىمىز مۇمكىن، پرەزيدەنتتى نەمەسە ەكس-پرەزيدەنتتى سىناۋىمىز مۇمكىن. بىراق تا شەتەل ازاماتتارى ءبىزدىڭ پرەزيدەنتتى نەمەسە ءبىزدىڭ ەكس-پرەزيدەنتتى سىناعاندا، مەنىڭ ويىمشا، ءبىز ولارعا توتەپ بەرۋ كەرەك دەپ ەسەپتەيمىز.

سوندىقتان دا ءوزارا، ءوز ءۇيىمىزدىڭ ىشىندە، ءوز ماسەلەمىزدى شەشكەندە مۇمكىن باسقاش ايتامىز. بىراق تا سىرتقا شىققاندا حالىقارالىق كەزدەسۋلەردە، مەنىڭ ويىمشا، قازىرگى  پرەزيدەنت بولسىن، ەكس-پرەزيدەنت بولسىن، ولار قارجىلاندىرۋ جاعىمەن تولىق قامتاماسىز ەتۋ كەرەك دەپ ەسەپتەيمىن.

سامات نۇرتازا

Abai.kz