2025 جىلدىڭ قورىتىندىسى بويىنشا تۋريزم سالاسىنداعى نەگىزگى كاپيتالعا سالىنعان ينۆەستيتسيا كولەمى 1,25 ترلن تەڭگەگە جەتىپ، الدىڭعى جىلمەن سالىستىرعاندا 33%-عا ارتتى.

قر تۋريزم جانە سپورت مينيسترلىگىنىڭ تۋريزم يندۋسترياسى كوميتەتى ءباسپاسوز قىزمەتىنىڭ حابارلاۋىنشا، ءوسىم تۋريستىك ينفراقۇرىلىمدى كەڭەيتۋ، كولىك قاتىناسىنىڭ قولجەتىمدىلىگىن ارتتىرۋ، سونداي-اق ورنالاستىرۋ، مادەنيەت جانە دەمالىس باعىتتارىنداعى جاڭا جوبالاردى ىسكە اسىرۋ ەسەبىنەن قامتاماسىز ەتىلدى.

ينۆەستيتسيا كولەمىنىڭ ۇلعايۋىنا جولاۋشىلار تاسىمالى، ورنالاستىرۋ جانە قوعامدىق تاماقتانۋ قىزمەتتەرى، سونداي-اق ونەر، ويىن-ساۋىق جانە دەمالىس سالالارى ەلەۋلى ۇلەس قوستى.

وڭىرلەر اراسىندا تۋريزم سالاسىنداعى نەگىزگى كاپيتالعا سالىنعان ينۆەستيتسيانىڭ ەڭ جوعارى ءوسىمى اقتوبە وبلىسىندا تىركەلدى. بۇل وڭىردە كورسەتكىش 526%-عا ۇلعايىپ، 60,8 ملرد تەڭگەدەن استى. سونىمەن قاتار اباي، اتىراۋ جانە ۇلىتاۋ وبلىستارىندا دا ايتارلىقتاي وڭ سەرپىن بايقالدى.

رەسپۋبليكالىق ماڭىزى بار قالالار اراسىندا ينۆەستيتسيا ءوسىمىنىڭ جوعارى كورسەتكىشى الماتى (79%) جانە استانا (61%) قالالارىنا تيەسىلى.

- جالپى العاندا، بۇل دەرەكتەر بيزنەستىڭ تۋريزم ينفراقۇرىلىمىن دامىتۋعا دەگەن قىزىعۋشىلىعىنىڭ ساقتالىپ وتىرعانىن جانە سالانىڭ الەۋەتى نىعايىپ كەلە جاتقانىن كورسەتەدى. نەگىزگى باعىتتار بويىنشا ينۆەستيتسيا كولەمىنىڭ ارتۋى قازاقستاندا ءتۋريزمدى ودان ءارى تۇراقتى دامىتۋعا بەرىك نەگىز قالايدى، - دەلىنگەن حابارلامادا.

Abai.kz