الەۋمەتتىك دۇكەندەردەگى ازىق-تۇلىك باعالارى نارىقتىق باعادان 25-30% تومەن.

تۇركىستان وبلىسىندا جىل باسىنان بەرى ازىق-تۇلىك باعاسىن قىمباتتاتقان 28 كاسىپكەر جاۋاپقا تارتىلدى، دەپ حابارلايدى تۇركىستان وبلىسى اكىمىنىڭ ءباسپاسوز قىزمەتى.

تۇركىستان وبلىسى اۋماعىندا الەۋمەتتىك ماڭىزى بار ازىق-تۇلىك تاۋارلارىنىڭ باعاسىن تۇراقتاندىرۋ جانە نەگىزسىز قىمباتتاۋعا جول بەرمەۋ ماقساتىندا باقىلاۋ شارالارى كۇشەيتىلدى.

ساۋدا نىساندارىندا تۇراقتى مونيتورينگ جۇرگىزىلىپ، ساۋدا ۇستەماقىسىنىڭ ساقتالۋى باقىلانۋدا. بۇگىندە وڭىردە ارنايى قۇرىلعان ءموبيلدى توپتار بازارلار مەن ءىرى ساۋدا جەلىلەرىندە ءتۇسىندىرۋ جۇمىستارىن جۇرگىزىپ جاتىر. ساۋدا جەلىلەرىندەگى باعا ۇستەمەسىن قاداعالاۋ ماقساتىندا تۇراقتى مونيتورينگ جۇمىستارى ۇيىمداستىرىلۋدا. جىل باسىنان بەرى الەۋمەتتىك ماڭىزى بار ازىق-تۇلىك تاۋارلارى باعالارىن نەگىزسىز وسىرگەنى ءۇشىن ساۋدا ورىندارىنا قاتىستى 28 اكىمشىلىك شارا قولدانىلدى. ناتيجەسىندە 102 860 تەڭگە ايىپپۇل سالىنىپ، تولىق ءوندىرىلدى. ال 2025 جىلى 97 اكىمشىلىك شارا قولدانىلىپ، 564 250 تەڭگە وندىرىلگەن، - دەپ حابارلادى تۇركىستان وبلىسى اكىمىنىڭ ءباسپاسوز قىزمەتى.

سونىمەن قاتار باعانى تۇراقتاندىرۋ ماقساتىندا تۇراقتاندىرۋ قورى ارقىلى ءىرى ساۋدا نۇكتەلەرىنە ازىق-تۇلىك تاۋارلارى جەتكىزىلىپ، دەلدالدىق تىزبەكتى قىسقارتۋ بويىنشا جۇيەلى جۇمىستار اتقارىلۋدا.

تۇراقتاندىرۋ قورىندا 22 مىڭ توننا الەۋمەتتىك ماڭىزى بار ازىق-تۇلىك قورى قالىپتاستىرىلعان. ءار اپتا سايىن وتكىزىلەتىن جارمەڭكەلەر ازىق-تۇلىك تاۋارلارىن وندىرەتىن شارۋالارعا دەلدالدارسىز تىكەلەي ساۋدالاۋعا مۇمكىندىك بەرۋدە. وسىنىڭ ارقاسىندا، تۇتىنۋشىلار ازىق-تۇلىك تاۋارلارىن نارىقتىق باعادان 20-30% تومەن باعادا ساتىپ الۋدا. الەۋمەتتىك ماڭىزى بار ازىق-تۇلىك تاۋارلارىن حالىققا قولجەتىمدى ەتۋ ماقساتىندا وبلىستا 40 الەۋمەتتىك دۇكەن قىزمەت ەتەدى. الەۋمەتتىك دۇكەندەردەگى الەۋمەتتىك ماڭىزى بار ازىق-تۇلىك باعالارى نارىقتىق باعادان 25-30% تومەن. قابىلدانىپ جاتقان شارالار ءوڭىر تۇرعىندارىن قولجەتىمدى باعادا ازىق-تۇلىكپەن قامتاماسىز ەتۋگە جانە نارىقتاعى باعا تۇراقتىلىعىن ساقتاۋعا باعىتتالعان. بۇل باعىتتاعى جۇمىستار جۇيەلى تۇردە جالعاسادى، - دەلىنگەن حابارلامادا. 

Abai.kz