2026 جىلعى 26 اقپاندا «احمەت بايتۇرسىنۇلى اتىنداعى «تالداۋ» ۇلتتىق زەرتتەۋلەر جانە ءبىلىمدى باعالاۋ ورتالىعى» اق-دا كونستيتۋتسيالىق رەفورمانى تالقىلاۋ بويىنشا سەمينار-كەڭەس ءوتتى. ورتالىق ۇجىمى جاڭا كونستيتۋتسيا جوباسىنىڭ نەگىزگى قاعيداتتارىن تالداپ، ءبىلىم بەرۋ سالاسىنىڭ قازاقستاندىق قوعام ومىرىندەگى نەگىزگى رولىنە ەرەكشە نازار اۋداردى.

ۇسىنىلعان جوبانىڭ باستى ەرەكشەلىگى - ءبىلىم بەرۋ قۇندىلىقتارىن تىكەلەي نەگىزگى زاڭنىڭ كىرىسپەسىنە ەنگىزىلۋى. ورتالىق باسشىلىعى بۇل قادام ءبىلىم بەرۋدىڭ ءرولىن كۇشەيتۋدىڭ جانە ۇلتتىق ورلەۋدىڭ باستى قۇرالى رەتىندە تانىلۋىنىڭ ايقىن دالەلى ەكەنىن اتاپ ءوتتى.

«ساپالى ءبىلىم بەرۋ قۇندىلىعىنىڭ كىرىسپەدەن باستاپ كونستيتۋتسيالىق دەڭگەيدە مويىندالۋى – بۇل قوعامعا بەرىلگەن ماڭىزدى بەلگى. بۇل ءبىزدىڭ ورتالىق ءۇشىن اناليتيكانىڭ جاڭا ستاندارتتارىنا كوشۋدى بىلدىرەدى. ەندى ءبىزدىڭ نازارىمىزدا جاي عانا ستاتيستيكا ەمەس، ءبىلىم ساپاسىنىڭ ناقتى كورسەتكىشتەرى مەن ءاربىر ءبىلىم الۋشىنىڭ دامۋ دەڭگەيى بولادى»، – دەپ اتاپ ءوتتى «تالداۋ» ۇزببو اق باسشىلىعى.

تالقىلاۋ بارىسىندا مەملەكەت قىزمەتىنىڭ ستراتەگيالىق باعىتى رەتىندە ادامي كاپيتالدى دامىتۋ ماسەلەلەرىنە باسىمدىق بەرىلدى.

ورتالىق ساراپشىلارى جاڭا كونستيتۋتسيا جوباسى تۇرعىسىنان العاندا، ءبىلىم بەرۋ تۇلعانىڭ باسەكەگە قابىلەتتىلىگىن ايقىندايتىن نەگىزگى فاكتور ەكەنىن ايتتى. بۇل ورتالىقتىڭ ءبىلىم بەرۋ جەتىستىكتەرىن مونيتورينگىلەۋ جانە باعالاۋ جونىندەگى مىندەتتەرىمەن تىكەلەي ۇندەسەدى.

سونىمەن قاتار، زياتكەرلىك مەنشىكتىڭ (قر تاريحىندا العاش رەت) كونستيتۋتسيالىق دەڭگەيدە بەكىتىلۋى زەرتتەۋشىلەر مەن جاس عالىمداردىڭ قۇقىقتىق قاۋىپسىزدىگىن قامتاماسىز ەتەدى.

كەڭەس بارىسىندا جاڭا كونستيتۋتسيالىق بلوك – تسيفرلىق ورتاداعى دەربەس دەرەكتەردى قورعاۋ ماسەلەسىنە ەرەكشە كوڭىل ءبولىندى. ءبىلىم بەرۋ پروتسەسىن جاپپاي تسيفرلاندىرۋ جاعدايىندا بۇل ماسەلە وزەكتى ستراتەگيالىق ماڭىزعا يە.

قاتىسۋشىلار تسيفرلىق كەڭىستىكتەگى جەكە ومىرگە قولسۇعىلماۋشىلىقتىڭ كونستيتۋتسيالىق كەپىلدىكتەرىن تالقىلادى.

ميلليونداعان قاتىسۋشىلاردىڭ دەرەكتەرىمەن جۇمىس ىستەيتىن «تالداۋ» ورتالىعى ءۇشىن دەربەس دەرەكتەردى قورعاۋ رەجيمىن كۇشەيتۋ – زەرتتەۋلەر بارىسىندا كيبەرقاۋىپسىزدىكتىڭ وزىق ادىستەرىن جانە دەرەكتەردى دەپەرسونيزاتسيالاۋدى (يەسىزدەندىرۋدى) ەنگىزۋگە قوسىمشا سەرپىن بەرەدى.

بۇدان بولەك، جيىندا مەملەكەتتىك باسقارۋ مودەلىن تۇبەگەيلى ترانسفورماتسيالاۋعا باعىتتالعان ەرەجەلەر تالقىلاندى: زاڭ شىعارۋشى بيلىك تارماعىن قايتا جاڭعىرتىپ، ونى قۇرىلتاي رەتىندە قايتا قۇرۋ، ۆيتسە-پرەزيدەنت ينستيتۋتىن ەنگىزۋ، سونداي-اق بيلىك پەن حالىق اراسىنداعى تىكەلەي ديالوگ قۇرالى رەتىندە قازاقستان حالىق كەڭەسىن قۇرۋ ماسەلەلەرى قارالدى.

كەزدەسۋ سوڭىندا «تالداۋ» ۇزببو اق ۇجىمى كونستيتۋتسيالىق رەفورمانى قولدايتىنىن ءبىلدىرىپ، جاڭارتىلعان نەگىزگى زاڭ جاھاندىق سىن-قاتەرلەر كەزەڭىندە ءاربىر قازاقستاندىقتىڭ الەۋەتىن ىسكە اسىرۋعا بەرىك ىرگەتاس بولاتىنىنا سەنىم ءبىلدىردى.

Abai.kz