مەرەكەگە وراي 6-8 ناۋرىز ارالىعىندا الماتىدا گۇل ساتۋعا ارنالعان 1150 ارنايى ساۋدا ورنى جۇمىس ىستەيدى، دەپ حابارلايدى قالالىق اكىمدىك ءباسپاسوزى.

قالا اكىمدىگىنىڭ مالىمەتىنشە، كاسىپكەرلەر ساۋدا ورنىن الۋ ءۇشىن جوسپارلانعان ورىن ورنالاسقان اۋدان اكىمدىگىنە ءوتىنىش بەرۋ قاجەت. بوس ورىن بولعان جاعدايدا كاسىپكەرگە گۇل ساۋداسىن رەسمي تۇردە جۇرگىزۋگە رۇقسات بەرىلەدى.ەسكەرەتىن جايت  گۇلدەردى ارنايى بەلگىلەنگەن ورىنداردان تىس جەردە ساتۋعا تىيىم سالىنادى.مەرەكە – تەك كوڭىل كۇي ەمەس، قالاداعى ءتارتىپ پەن ۇيىمداسقان ساۋدانىڭ دا كورسەتكىشى.

كاسىپكەرلەر اۋدان اكىمدىكتەرىنە وسى مەكەنجاي بويىنشا حابارلاسادى: 

• الاتاۋ اۋدانى – جانقوجا باتىر كوشەسى، 26
• المالى اۋدانى – تولە بي كوشەسى، 67
• اۋەزوۆ اۋدانى – 8-شاعىناۋدان، 4ب (اباي بو)
• بوستاندىق اۋدانى – ايمانوۆ كوشەسى، 191
• جەتىسۋ اۋدانى – قۇلاگەر شاعىناۋدانى، سەرىكوۆ كوشەسى، 2ا
• مەدەۋ اۋدانى – پۋشكين كوشەسى، 72
• ناۋرىزباي اۋدانى – شۇعىلا شاعىناۋدانى، 347
• تۇركسىب اۋدانى – شولوحوۆ كوشەسى، 9

مۇنداي شارالار مەرەكەلىك ساۋدانى جۇيەلى ۇيىمداستىرۋعا، كاسىپكەرلەردى قولداۋعا جانە قالاداعى قوعامدىق ءتارتىپتى قامتاماسىز ەتۋگە مۇمكىندىك بەرەدى.

Abai.kz