قازاقستاندىق سپورتشىعا "قازاقستاننىڭ ەڭبەك ەرى" اتاعى بەرىلدى
سپورتشى ەرۆاند يلينسكي سپورتتى دامىتۋعا قوسقان ەلەۋلى ۇلەسى ءۇشىن ماراپاتتالادى.
مەملەكەت باسشىسى قاسىم-جومارت توقاەۆ الپينيزمدەگى اسا ۇزدىك جەتىستىكتەرى، سونداي-اق ەلدەگى سپورتتى دامىتۋعا قوسقان ەلەۋلى ۇلەسى جانە قوعامدىق قىزمەتكە بەلسەندى قاتىسقانى ءۇشىن ەرۆاند تيحونوۆيچ يلينسكيگە «قازاقستاننىڭ ەڭبەك ەرى» اتاعىن بەرۋ تۋرالى جارلىققا قول قويدى.
بۇل تۋرالى اقوردا مالىمدەدى.
- الپينيزمدەگى اسا ۇزدىك جەتىستىكتەرى، سونداي-اق ەلدەگى سپورتتى دامىتۋعا قوسقان ەلەۋلى ۇلەسى جانە قوعامدىق قىزمەتكە بەلسەندى قاتىسقانى ءۇشىن ەرۆاند تيحونوۆيچ يلينسكيگە جوعارى دارەجەلى ەرەكشەلىك بەلگىسى – «قازاقستاننىڭ ەڭبەك ەرى» اتاعى بەرىلسىن.
- وسى جارلىق قول قويىلعان كۇنىنەن باستاپ قولدانىسقا ەنگىزىلەدى، - دەلىنگەن پرەزيدەنت قول قويعان جارلىقتا.
Abai.kz
