كومپانيانىڭ نەگىزىن 2022 جىلى قازاقستاندىق كاسىپكەرلەر — ولجاس جيەنقۇل (CEO جانە نەگىزىن قالاۋشى) مەن تالعات كانتاەۆ (اتقارۋشى ديرەكتور جانە قوسالقى قۇرىلتايشى) قالاعان. سينگاپۋر مەن ازيا وڭىرىندە كاپيتالدى باسقارۋ، فينتەح جانە ينۆەستيتسيالىق جوبالاردى جۇزەگە اسىرۋداعى مول تاجىريبەسىنە سۇيەنە وتىرىپ، ولار اۋەل باستان ينۆەستيتسيالىق بانكينگ سالاسىن تەحنولوگيالىق تۇرعىدان ترانسفورماتسيالاۋعا باسىمدىق بەردى.

سالانى تەرەڭ تالداۋ بارىسىندا مىناداي ماڭىزدى ماسەلەلەر انىقتالدى: ونبوردينگ، كاپيتالدى باسقارۋ، پورتفەلدىك ساراپتاما، دەرەكتەردى جيناقتاۋ، كاستوديالدىق قارىم-قاتىناستار مەن كليەنتتىك ەسەپتىلىك سياقتى شەشۋشى پروتسەستەر ءالى دە جۇيەسىز ءارى تسيفرلاندىرۋ دەڭگەيى تومەن كۇيدە قالىپ وتىر. ال جاساندى ينتەللەكتىنىڭ ينۆەستيتسيالىق ستراتەگيا قۇرۋ، بولجامدى اناليتيكا، كليەنتتەرگە قىزمەت كورسەتۋ، نارىقتى زەرتتەۋ جانە تاۋەكەلدەردى باسقارۋ سالاسىنداعى الەۋەتى ءالى دە باستاپقى دەڭگەيدە ەكەنى بەلگىلى بولدى.

وسىنىڭ ناتيجەسىندە Investbanq جەكە جي-ينفراقۇرىلىمى بار WealthTech-پلاتفورما رەتىندە ىسكە قوسىلدى. ول كاپيتالدى باسقارۋ، كەيىننەن ينۆەستيتسيالىق بانكينگ سالاسىنداعى جەكەلەگەن پروتسەستەردى دە، قۇن قالىپتاستىرۋدىڭ بۇكىل تىزبەگىن دە تسيفرلاندىرۋعا قابىلەتتى مودۋلدىك جۇيە بولىپ تابىلادى.

بۇگىنگى تاڭدا كومپانيانىڭ نەگىزگى شەشىمى — AI Wealth Operating System نەمەسە قىسقاشا WealthOS — بۇل يندۋسترياداعى وزىق شەشىمدەردىڭ ءبىرى، سونىمەن قاتار كاپيتالدى باسقارۋعا ارنالعان زاماناۋي تەحنولوگيالىق پلاتفورما. جۇيە دەرەكتەردى ساراپتاۋ، تاۋەكەلدەردى باعالاۋ جانە سترەسس-تەستىلەۋ جۇرگىزۋ ءۇشىن جاساندى ينتەللەكت مۇمكىندىكتەرىن پايدالانادى. ول ينۆەستيتسيالاردى قۇرىلىمداۋ مەن مامىلە جاساۋ پروتسەستەرىن اۆتوماتتاندىرۋعا مۇمكىندىك بەرەدى، سونداي-اق بانكتەرگە، ينۆەستيتسيالىق كومپانيالار مەن اكتيۆتەردى باسقارۋشىلارعا ارنالعان تسيفرلىق قۇرالدار ۇسىنادى. پلاتفورما بانكتىك جۇيەلەرمەن وڭاي ينتەگراتسيالانادى جانە كومپلاەنس پەن اقپاراتتىق قاۋىپسىزدىك تالاپتارىنا تولىق سايكەس جۇمىس ىستەيدى.

«ءبىزدىڭ جي-شەشىمىمىز اۋەل باستان ءتۇرلى يۋريسديكتسيالارداعى بانكتىك جۇيەلەرگە ەركىن ينتەگراتسيالاناتىن اۋقىمدى (scalable) ينفراقۇرىلىم رەتىندە جوبالاندى. ءبىز ءۇشىن جاساندى ينتەللەكت — بۇل جاي عانا اۆتوماتتاندىرۋ قۇرالى ەمەس، بۇكىل قارجى سالاسىن ترانسفورماتسيالاۋعا باعىتتالعان ستراتەگيالىق درايۆەر»، — دەپ اتاپ ءوتتى تالعات كانتاەۆ.»

قازىرگى ۋاقىتتا Investbanq-تىڭ باس كەڭسەسى سينگاپۋردا ورنالاسقان، سونداي-اق قازاقستاندا (استانا، الماتى) جانە ءباا-دە كەڭسەلەرى بار. جاھاندىق وسىممەن قاتار، كومپانيا ايماقتىق ەكوجۇيەنى دامىتۋعا بەلسەندى اتسالىسۋدا: 2023 جانە 2024 جىلدارى Central Eurasian Venture Forum (CEVF) فورۋمنىڭ ۇيىمداستىرۋشىسى بولدى، عىلىم مەن تەحنولوگياداعى گەندەرلىك تەڭگەرىمدى ىلگەرىلەتەتىن Women in Science 2025 باستاماسىنىڭ نەگىزگى دەمەۋشىسى جانە قازاقستاننىڭ كرەاتيۆتى يندۋسترياسىن قولدايتىن Steppe Awards 2025 سىيلىعىنىڭ سەرىكتەسى اتاندى.

ازيانىڭ قارجى حابتارىنداعى پوزيتسيانى نىعايتۋ

وڭتۇستىك-شىعىس ازيا مەن گونكونگتىڭ ءىرى بانكتىك ينستيتۋتتارىمەن ستراتەگيالىق سەرىكتەستىك ورناتۋ — جي-پلاتفورمانى جاھاندىق دەڭگەيدە اۋقىمداندىرۋدىڭ شەشۋشى كەزەڭى بولدى. سەرىكتەس ۇيىمداردىڭ باسقارۋىنداعى جيىنتىق اكتيۆتەر 560 ميلليارد اقش دوللارىنان اسادى.

Investbanq شەشىمدەرىن ينتەگراتسيالاۋ اكتيۆتەردى باسقارۋعا جي-اناليتيكانى ەنگىزۋدى، ينۆەستيتسيالىق سكورينگ پەن پورتفەلدى وڭتايلاندىرۋدى اۆتوماتتاندىرۋدى كوزدەيدى. سونداي-اق ترانزاكتسيالاردىڭ زياتكەرلىك مونيتورينگى ارقىلى كومپلاەنس جۇيەلەرىن نىعايتۋعا جانە كاپيتالدى ستراتەگيالىق باسقارۋدا data-driven (دەرەكتەرگە نەگىزدەلگەن) ءتاسىلىن قولدانۋعا مۇمكىندىك بەرەدى.

«ايماقتىڭ جەتەكشى قارجى ينستيتۋتتارىمەن سەرىكتەستىك ورناتۋ — نارىق ءۇشىن ايقىن سيگنال: WealthTech سالاسىنداعى جاڭا بۋىن تەحنولوگيالارى قازىردىڭ وزىندە سالالىق ستاندارتتاردى قايتا قالىپتاستىرۋدا. ءىرى حالىقارالىق ويىنشىلار تاراپىنان كورسەتىلگەن سەنىم — پلاتفورمامىزدىڭ تەحنولوگيالىق كەمەلدەنۋ دەڭگەيىن جانە تاڭدالعان ستراتەگيامىزدىڭ دۇرىستىعىن راستايدى»— دەدى ولجاس جيەنقۇل.

حالىقارالىق تانىمالدىلىق پەن جەتىستىكتەر

سوڭعى جىلدارى Investbanq حالىقارالىق ارەنادا ايتارلىقتاي ناتيجەلەرگە قول جەتكىزدى:

• Global Private Banker نۇسقاسى بويىنشا «ۇزدىك WealthTech AI» دەپ تانىلدى;
• Pre-Series A راۋندى اياسىندا 3 ميلليون دوللار ينۆەستيتسيا تارتىپ، حالىقارالىق ەكسپانسيا مەن تەحنولوگيالىق دامۋدى جەدەلدەتۋگە باعىتتالعان جاڭا مۇمكىندىكتەرگە يە بولدى
• TechCrunch Disrupt 2025 كونفەرەنتسياسىندا Startup Battlefield 200 تىزىمىنە ەندى. ول بارلىق ۇمىتكەرلەردىڭ اراسىنان ىرىكتەلگەن ەڭ ۇزدىك 1% قاتارىنان تابىلدى (ايتا كەتەيىك، بۇل بايقاۋدىڭ ءار جىلعى تۇلەكتەرى قاتارىندا Discord, Trello, Cloudflare جانە Fitbit سياقتى تەحنولوگيالىق الپاۋىتتار بار);
• 70 ەلدەن تۇسكەن 1 200 ءوتىنىمنىڭ ىشىنەن ۇزدىك 100-گە ەنىپ، EPIC 2025 جارتىلاي ءفيناليستى اتاندى;
• Meet the Drapers جوباسىنىڭ 7-ماۋسىمىنىڭ فينالىنا شىقتى (2025 جىلعى ەفير; اۋديتورياسى شامامەن 70 ملن كورەرمەن);
• GITEX Supernova بايقاۋىندا جەڭىسكە جەتتى;
• The Ventures Singapore ۇسىنعان «ۇزدىك FinTech-كومپانيا» ماراپاتىن يەلەندى;
• F6S نۇسقاسى بويىنشا ۇزدىك 100 FinTech-جوبانىڭ قاتارىنا ەندى (قىركۇيەك ايىنداعى شىعارىلىم);
• FinTech in ASEAN 2025 ەسەبىندە (PwC, UOB, SFF) Airwallex جانە Salmon سياقتى كومپانيالارمەن قاتار اتاپ ءوتىلدى;
• Pre-Series A راۋندى اياسىندا تاجىريبەلى ۆەنچۋرلىق قورلار مەن ينۆەستورلاردىڭ قولداۋىنا يە بولدى.

« ءبىز Investbanq-تى جاڭا بۋىن ينۆەستيتسيالىق بانكينگىنىڭ تەحنولوگيالىق وزەگى رەتىندە قالىپتاستىرىپ جاتىرمىز. حالىقارالىق ماراپاتتار مەن تانىمالدىلىق ءبىزدىڭ WealthTech يندۋسترياسىندا جاڭا ستاندارتتار ورناتىپ جاتقانىمىزدىڭ كورسەتكىشى. ءبىز تاڭداعان تسيفرلىق ترانسفورماتسيا جولى الەمدىك ينۆەستيتسيالىق قاۋىمداستىقتان قولداۋ تابۋدا. بۇل جاي عانا ماراپات ەمەس، ءبىزدىڭ جي-شەشىمدەرىمىزدىڭ سينگاپۋردان كرەمني القابىنا دەيىنگى ەڭ باسەكەلى نارىقتاردا اۋقىمدانۋعا دايىن ەكەندىگىنىڭ جانە بولاشاقتىڭ اشىق ءارى جوعارى تەحنولوگيالىق قارجىلىق ەكوجۇيەسىن قۇرىپ جاتقانىمىزدىڭ دالەلى»، — دەپ تۇيىندەدى ولجاس جيەنقۇل.

Investbanq يننوۆاتسيالىق قارجىلىق شەشىمدەردى جەتىلدىرۋدى جالعاستىرا وتىرىپ، قازاقستانعا ەڭ ۇزدىك حالىقارالىق تاجىريبەلەردى ەنگىزۋگە جانە ينۆەستيتسيالىق قۇرالداردىڭ قولجەتىمدىلىگىن ارتتىرۋعا ەلەۋلى ۇلەس قوسىپ كەلەدى. كومپانيا قازاقستاننىڭ بولاشاعى جاساندى ينتەللەكت، فينتەح سالاسىنىڭ دامۋى جانە جاھاندىق قارجى جۇيەسىنە تەرەڭ ينتەگراتسيالانۋمەن تىكەلەي بايلانىستى ەكەنىنە نىق سەنەدى.

انىقتاما

Investbanq — قازاقستاندىق كاسىپكەرلەر نەگىزىن قالاعان، سينگاپۋردا تىركەلگەن كاپيتالدى باسقارۋعا ارنالعان مامانداندىرىلعان جي-پلاتفورما. كومپانيا بانكتەرگە، وتباسىلىق كەڭسەلەرگە جانە باسقارۋشى كومپانيالارعا ينۆەستيتسيالىق پروتسەستەردى اۆتوماتتاندىرۋعا، دەرەكتەردى تالداۋعا جانە كليەنتتەرمەن بىرىڭعاي تسيفرلىق ورتادا ءوزارا ءىس-قيمىل جاساۋعا كومەكتەسەتىن بىرەگەي AI جانە SaaS-شەشىمدەرىن ۇسىنادى. سونىمەن قاتار، Investbanq وڭتۇستىك-شىعىس ازيا (SEA), تاياۋ شىعىس پەن سولتۇستىك افريكا (MENA) جانە ورتالىق ازيانىڭ ينۆەستورلارى مەن بيزنەس-باستامالارىن توعىستىراتىن ەكوجۇيەلىك شەشىمدەردى بەلسەندى تۇردە ازىرلەۋدە.

Abai.kz