جەتىسۋ وبلىسىندا جاستارعا ارنالعان «JASTAR INFO» اقپاراتتىق كەڭەس بەرۋ پۋنكتى اشىلدى. بۇل جوبا جاستارعا قاجەتتى كەڭەستەردى ءبىر جەردە شوعىرلاندىرىپ، ولاردىڭ ءبىلىم الۋىنا، جۇمىسقا ورنالاسۋىنا، قۇقىقتىق ساۋاتتىلىعىن ارتتىرۋعا جانە الەۋمەتتىك مۇمكىندىكتەردى ءتيىمدى پايدالانۋىنا جاعداي جاساۋعا باعىتتالعان، - دەپ حابارلايدى جەتىسۋ وبلىسى اكىمىنىڭ ءباسپاسوز قىزمەتى.

سۋرەت gov.kz سايتىنان الىندى.

ءىس-شارا بارىسىندا وڭىردەگى جاۋاپتى تۇلعالار ءسوز سويلەپ، جاستار ساياساتىنىڭ ماڭىزدىلىعىنا توقتالدى. سونىمەن قاتار قاتىسۋشىلارعا جاڭا اقپاراتتىق پۋنكتتىڭ مۇمكىندىكتەرى تانىستىرىلىپ، ونىڭ جۇمىسى جان-جاقتى كورسەتىلدى. اتاپ ايتقاندا، پۋنكت بىرنەشە نەگىزگى باعىتتار بويىنشا قىزمەت كورسەتەدى. ماسەلەن، ءبىلىم بەرۋ سالاسىندا – ماماندىق تاڭداۋ، وقۋ ورىندارىنا ءتۇسۋ جانە ءبىلىم باعدارلامالارى بويىنشا كەڭەس بەرۋ، قۇقىقتىق باعىتتا – جاستاردىڭ قۇقىقتارى مەن مىندەتتەرىن ءتۇسىندىرۋ، زاڭگەرلىك كەڭەس بەرۋ جانە قۇقىق بۇزۋشىلىقتىڭ الدىن الۋ، NEET ساناتىنداعى جاستار بويىنشا – جۇمىسقا ورنالاسۋ، مەملەكەتتىك باعدارلامالارعا قاتىسۋ، تۇيىندەمە ازىرلەۋ جانە سۇحباتتان ءوتۋ داعدىلارىن دامىتۋ، ەڭبەكپەن قامتۋ باعىتىندا – بوس جۇمىس ورىندارى تۋرالى اقپارات بەرۋ، كاسىبي باعدارلاۋ جانە ەڭبەك نارىعىنا بەيىمدەۋدى اتاپ وتۋگە بولادى.

سۋرەت gov.kz سايتىنان الىندى.

- ءبىزدىڭ باستامامىزبەن جاستاردى جان-جاقتى دامىتۋعا باعىتتالعان كەڭەس بەرۋ پۋنكتى اشىلىپ وتىر. مۇندا جاستاردىڭ وزىنە قاجەتتى باعىت بويىنشا كاسىبي مامانداردان تەگىن ءارى ساپالى كەڭەس الۋ مۇمكىندىگى بار. بۇل نىسان تەك اقپارات بەرۋ ورتالىعى عانا ەمەس، سونىمەن قاتار جاستار مەن مەملەكەتتىك قولداۋ تەتىكتەرى اراسىنداعى بايلانىستى نىعايتاتىن ماڭىزدى الاڭعا اينالادى دەپ سەنەمىن، - «Jetisu jastary» كمم ديرەكتورى شاميل ۆانكەەۆ.

سۋرەت gov.kz سايتىنان الىندى.

شاراعا قاتىسقان جاستار دا ءوز پىكىرىن ءبىلدىردى.

- «JASTAR INFO» پۋنكتىنىڭ اشىلۋى مەن ءۇشىن قۋانىشتى جاڭالىق بولدى. سەبەبى ءبىز سياقتى جاستارعا بولاشاق ماماندىقتى دۇرىس تاڭداۋ، وقۋ ورىندارى مەن ءبىلىم باعدارلامالارى تۋرالى ناقتى ءارى سەنىمدى اقپارات الۋ اسا ماڭىزدى. وسى پۋنكت ارقىلى وزىمە قاجەتتى باعىتتار بويىنشا تولىققاندى كەڭەس الىپ، بولاشاعىما دەگەن سەنىمدىلىك پايدا بولدى. مۇنداي ورتالىقتاردىڭ كوبەيگەنىن قالايمىن، - دەدى ايدا كارابالانوۆا.

سۋرەت gov.kz سايتىنان الىندى.

- مەن ءۇشىن ەڭ ماڭىزدىسى جۇمىسپەن قامتۋ باعىتى بولدى. وسى جەردە بوس جۇمىس ورىندارى تۋرالى ناقتى اقپارات الىپ، ەڭبەك نارىعىنىڭ تالاپتارىن ءتۇسىندىم. بۇرىن بويىمدا سەنىمسىزدىك بولسا، ەندى قاي باعىتتا دامۋ كەرەكتىگىن ءتۇسىندىم. وسىنداي پۋنكتتەر جاستاردىڭ جۇمىس تابۋىنا لڭ ىقپالىن تيگىزەدى دەپ ويلايمىن، - دەدى دانيار.

سۋرەت gov.kz سايتىنان الىندى.

Abai.kz