مىندەتتى زەينەتاقى جارنالارى ەسەبىنەن جينالعان زەينەتاقى تولەمدەرىن جۇزەگە اسىرۋ تارتىبىنە جانە زەينەتاقى جيناعىنىڭ ەڭ تومەن جەتكىلىكتى شەگىن ايقىنداۋ ادىستەمەسىنە وزگەرىستەر مەن تولىقتىرۋلار ەنگىزىلمەك.

قر ۇكىمەتى قاۋلىسىنىڭ جوباسى زەينەتاقى جيناعىنىڭ ەڭ تومەن جەتكىلىكتى شەگىن بەلگىلەۋ مەحانيزمىن جەتىلدىرۋدى ماقسات ەتەدى. سونداي-اق زەينەتاقىمەن قامسىزداندىرۋ نارىققا ساي بولماق.

— «بىرىڭعاي جيناقتاۋشى زەينەتاقى قورىنان مىندەتتى زەينەتاقى جارنالارى، مىندەتتى كاسىپتىك زەينەتاقى جارنالارى ەسەبىنەن قالىپتاستىرىلعان زەينەتاقى تولەمدەرىن، تۇرعىن ءۇي جاعدايلارىن جاقسارتۋ جانە (نەمەسە) ەمدەلۋگە اقى تولەۋ ماقساتىندا مىندەتتى زەينەتاقى جارنالارى ەسەبىنەن قالىپتاستىرىلعان بىرجولعى زەينەتاقى تولەمدەرىن جۇزەگە اسىرۋ، ولاردى بىرىڭعاي جيناقتاۋشى زەينەتاقى قورىنا قايتارۋ قاعيدالارىن، زەينەتاقى تولەمدەرىنىڭ مولشەرىن ەسەپتەۋدى جۇزەگە اسىرۋ ادىستەمەسىن، الۋشىنىڭ ورتاشا ايلىق كىرىسىن زەينەتاقى تولەمدەرىمەن الماستىرۋ كوەففيتسيەنتىن ايقىنداۋ ادىستەمەسىن، زەينەتاقى جيناقتارىنىڭ ەڭ تومەن جەتكىلىكتى شەگىن ايقىنداۋ ادىستەمەسىن بەكىتۋ تۋرالى» قر ۇكىمەتىنىڭ قاۋلىسىنا «وزگەرىستەر مەن تولىقتىرۋلار ەنگىزۋ تۋرالى» قر ۇكىمەتىنىڭ قاۋلىسىنىڭ جوباسى زەينەتاقى جيناقتارىنىڭ ەڭ تومەن جەتكىلىكتىلىك شەگىن ايقىنداۋ جانە جيناقتاۋشى زەينەتاقى جۇيەسىنەن زەينەتاقىمەن قامسىزداندىرۋدىڭ بارابارلىعىن ارتتىرۋ تەتىگىن جەتىلدىرۋ ماقساتىندا ازىرلەندى، — دەلىنگەن قۇجاتتا.

دەمەك، زەينەتاقى جيناعىنىڭ ەڭ تومەن جەتكىلىكتى شەگى قايتا قارالادى. سونىڭ ارقاسىندا ازاماتتاردىڭ زەينەتاقى جيناعى ءتيىمدى تۇردە قالىپتاسادى ءارى ونى مەرزىمىنەن بۇرىن جۇمساعاندا، تەڭگەرىم ساقتالادى.

قاۋلى جوباسى «اشىق نقا» پورتالىندا جاريالانىپ، 21 ساۋىرگە دەيىن تالقىلاۋعا ۇسىنىلدى.

Abai.kz