الماتى قالاسىندا قازاقستان ءباسپاسوز قىزمەتىنىڭ الاڭىندا قاڭعىباس جانۋارلاردى ەۆتانازيالاۋ تۋرالى زاڭ جوباسىنا قارسىشىققان, ارۋجان ساين جەتەكشىلىك ەتكەن جانۋارلاردى قورعاۋشىلاردىڭ قاتىسۋىمەن ءباسپاسوز كونفەرەنتسياسى ءوتتى.

قوعامدا زاڭ جوباسىن قولداۋشىلار مەن وعان قارسى تاراپتار اراسىندا پىكىرتالاس ءجۇرىپ جاتقان تۇستا, سپيكەرلەرگە تىكەلەي سۇراق قويىلدى: قايسىسى ماڭىزدى – قاڭعىباس يتتەردىڭ ءومىرى مە, الدەبالالاردىڭ ءومىرى مە? مىسال رەتىندە جۋرناليست اقتوبە وبلىسى اۋماعىندا 2022 جىلى يتتەر توبى بالانى تالاپ ولتىرگەن قايعىلى وقيعانى كەلتىردى.

الايدا كوڭىل ايتۋ نەمەسە ماسەلەنىڭ وزەكتىلىگىن مويىنداۋدىڭ ورنىنا, ارۋجان ساين قاڭعىباس يتتەردىڭ شابۋىلىنان بالالاردىڭ قازا تابۋىن تۇرمىستىق جاراقاتتارمەن جانە جاھاندىق قاقتىعىستارمەن سالىستىرۋدى ءجون كوردى.

«قاراڭىزدار. وكىنىشكە قاراي, بۇكىلالەمدە ادامدار مەن بالالار ءارتۇرلى جاعدايلاردا زارداپ شەگەدى. وتە وكىنىشتى. بالالار اسكەري قاقتىعىستاردا زارداپشەگەدى, تەرەزەدەن قۇلاپ جاتادى. ءيا, سونداي-اق قىلمىسكەرلەردىڭ, زورلىق جاساۋشىلاردىڭ قولىنان دا جاپا شەگەدى. وسىنداي قورقىنىشتى جاعدايلار تەك قازاقستاندا عانا ەمەس, باسقا ەلدەردە دە ورىن الادى. ءبىر-ءبىرىمىزدى جانە بالالارىمىزدى تولىق قورعاعىمىز كەلەدى, بىراق بارىنەن تولىقتاي قورعاۋ ءاردايىم مۇمكىن بولا بەرمەيدى»، – دەدى ارۋجان ساين.

ءسوزىنىڭ سوڭىندا ارۋجان ساين قايعىلى جاعدايلار ءۇشىن جاۋاپكەرشىلىكتى ءىشىنارا بالالار مەن ولاردىڭ اتا-انالارىناجۇكتەدى. قوعام بەلسەندىسىنىڭ پىكىرىنشە, قوعامدىق ورىنداردا قاڭعىباس يتتەردىڭ شابۋىلىنا كىنا يت اۋلاۋ قىزمەتتەرىندەنەمەسە زاڭنامانىڭ جەتىلمەگەندىگىندە ەمەس, بالانىڭ جانۋارمەن كەزدەسۋى كەزىندە ىقتيمال قاۋىپ-قاتەردى ەسكەرمەگەن ەرەسەكتەردە جاتىر.

«ءيا, بالالارعا قاتىستى ايتارىم – ولاردى قاراۋسىز قالدىرماۋ كەرەك جانە زيانشەگۋى مۇمكىن جاعدايلارعا تۇسىرمەۋ قاجەت. تۇسىنەسىز بە? بالا، اسىرەسە كىشكەنتاي بالا، وزىنە قاۋىپ ءتونۋى مۇمكىن جەردە بولماۋى ءتيىس. بۇل تەك جانۋارلاردىڭ عانا ەمەس, ەرەسەكتەردىڭ دە جاۋاپكەرشىلىگى»، – دەپ اتاپءوتتى ول.

قازىرگى شارالاردىڭ تيىمسىزدىگىنە قاراماستان, جانۋارلاردى قورعاۋشىلار ەۆتانازيانى سانىن رەتتەۋ ءادىسى رەتىندە قابىلدامايدى. ولاردىڭ پىكىرىنشە, حالىققا قاۋىپ تونگەن جاعدايدا دا باسىمدىق ستەريليزاتسياعا بەرىلۋى ءتيىس, الايدا بۇلجانۋارلاردى كوشەدە قالدىرىپ, ولاردىڭ اگرەسسيا كورسەتۋ مۇمكىندىگىن تولىق جويمايدى. 

Abai.kz