قازاقستاننىڭ ۆيتسە-پرەزيدەنتىن تاعايىنداۋ ماسەلەسى جاڭا قۇرىلتايدىڭ قۇرىلۋىنان كەيىن شەشىلەدى. بۇل تۋرالى سەنات توراعاسى ماۋلەن اشىمباەۆ ءمالىم ەتتى.

ونىڭ ايتۋىنشا، بۇل ماسەلەلەر مەملەكەت باسشىسىنىڭ قۇزىرەتىنە جاتادى.

— جاڭا قۇرىلتاي سايلانعان سوڭ، مەملەكەت باسشىسى ءتيىستى شەشىم قابىلدايدى. زاڭعا جانە جاڭا كونستيتۋتسياعا سايكەس شەشىمدەر قابىلدانادى. اتاپ ايتقاندا، بۇل ماسەلەلەر كونستيتۋتسيامىزدا ناقتى كورسەتىلگەن، - دەدى ماۋلەن اشىمباەۆ سەناتتىڭ جالپى وتىرىسىنان كەيىن.

بۇدان بۇرىن حابارلانعانداي، بيىل ناۋرىز ايىندا مەملەكەت باسشىسى قاسىم-جومارت توقاەۆ ۆيتسە-پرەزيدەنت لاۋازىمى ەلدىڭ بيلىك ينستيتۋتتارىن نىعايتاتىنىن ايتتى.

Abai.kz