كۇننىڭ ەرتە جىلۋىنا بايلانىستى ەلدە تۇرعىن ۇيلەردىڭ تەرەزەلەرىنەن جاس بالالاردىڭ قۇلاپ كەتۋ جاعدايلارى تىركەلە باستادى، دەپ حابارلايدى باس پروكۋراتۋرانىڭ ءباسپاسوز قىزمەتى.

نەگىزگى سەبەپ – ەرەسەكتەر تاراپىنان ءتيىستى باقىلاۋدىڭ بولماۋى. تاجىريبە كورسەتكەندەي، كوپجاعدايدا بالالار قىسقا ۋاقىتقا بولسا دا قاراۋسىز قالادى، بۇنىڭ سوڭى قايعىلى جاعدايعا دۋشار ەتىپ جاتادى. اشىق تەرەزەلەر مەن الدامشى قاۋىپسىزدىك سەزىمىن قالىپتاستىراتىن موسكيتتىك تورلاردىڭ بولۋى ەرەكشە قاۋىپتى.

- موسكيتتىك تور بالانىڭ سالماعىنا ەسەپتەلمەگەنىن جانە ونى ۇستاپ تۇرا المايتىنىن ەستەن شىعارماعان ءجون. جۇرگىزىلىپ جاتقان اقپاراتتىق-ءتۇسىندىرۋ جۇمىستارىنا قاراماستان، مۇنداي وقيعالار جىلسايىن تىركەلىپ جاتىر. مەملەكەت تاراپىنان مۇنداي جاعدايلاردىڭ الدىن الۋعا باعىتتالعان قاجەتتى زاڭنامالىق شارالار قابىلدانعان. اتاپ ايتقاندا، «قازاقستان رەسپۋبليكاسىنداعى ساۋلەت، قالا قۇرىلىسى جانە قۇرىلىس قىزمەتى تۋرالى» زاڭعا سايكەس (27-2-باپتىڭ 2-تارماعى جانە 27-2-باپتىڭ 3-تارماعى) قۇرىلىس سالۋشىلار جاڭا تۇرعىن ۇيلەردە تەرەزە ويىقتارىن قۇلىپتارمەن جانە قاۋىپسىزدىك مەحانيزمدەرىمەن قامتاماسىز ەتۋگە مىندەتتى. سونداي-اق «تۇرعىن ءۇي قاتىناستارى تۋرالى» زاڭعا سايكەس (51-1-باپتىڭ 5-تارماعىنىڭ 3 تارماقشاسى، 51-5-باپتىڭ 2-تارماعىنىڭ 3 تارماقشاسى جانە 51-6-باپتىڭ 4-تارماعىنىڭ 2 تارماقشاسى) پاتەر يەلەرىنىڭ قاۋىپسىز تۇرۋىن قامتاماسىز ەتۋ ماسەلەلەرى مۇلىكتىڭ مەنشىك يەلەرى بىرلەستىگى، پاتەرلەر مەنشىك يەلەرىنىڭ كووپەراتيۆى جانە باسقارۋدىڭ وزگە دە نىساندارىنىڭ قۇزىرەتىنە جاتادى. سوعان قاراماستان نەگىزگى سەبەپ – ادامي فاكتور بولىپ قالا بەرەدى،-دەلىنگەن حابارلامادا.

وسىعان بايلانىستى باس پروكۋراتۋرا اتا-انالاردىڭ نازارىن قاراپايىم قاۋىپسىزدىك ەرەجەلەرىن ساقتاۋدىڭ ماڭىزدىلىعىنا اۋدارادى:

1) جاس بالالاردى قاراۋسىز قالدىرماۋ;

2) جيھازدى تەرەزە ماڭىنا قويماۋ;

3) تەرەزەلەرگە ارنايى بلوكيراتورلار مەن شەكتەۋىشتەر ورناتۋ;

4) بالانىڭ تەرەزەگە ءوز بەتىنشە قول جەتكىزۋ مۇمكىندىگىن بولدىرماۋ.

كامەلەتكە تولماعانداردىڭ قاۋىپسىزدىگىن قامتاماسىز ەتۋ بويىنشا شارالار قابىلداماعانى ءۇشىن اقبتك-ءنىڭ 127-بابىنا سايكەس 20 اەك-كە دەيىن ايىپپۇل نەمەسە 10 تاۋلىككە دەيىن اكىمشىلىك قاماق تۇرىندە جاۋاپكەرشىلىك كوزدەلگەن. تەك 3 ايدىڭ ىشىندە وسى باپ بويىنشا 8 مىڭنان استام اتا-انامەن زاڭدى وكىل جاۋاپقا تارتىلدى.

-بالالاردىڭ ءومىرى مەن دەنساۋلىعى ءۇشىن ءبىرىنشى كەزەكتە جاۋاپكەرشىلىك اتا-انالارعا جۇكتەلەتىنىن ءتۇسىنۋ قاجەت. باس پروكۋراتۋرا ازاماتتاردى قىراعىلىق تانىتۋعا جانە قايعىلى جاعدايلارعا اكەلۋى مۇمكىن جاعدايلارعا جول بەرمەۋگە شاقىرادى،-دەلىنگەن باس پروكۋراتۋرانىڭ ءباسپاسوز قىزمەتى تاراتقان اقپاراتتا.

ايتا كەتەىك، ەلدە بالالاردى تەرەزەدەن قۇلاۋدان قورعاۋعا باعىتتالعان رەسپۋبليكالىق ناۋقان باستالدى.

Abai.kz